EHUk unibertsitatera sartzeko probaren lehen ereduak argitaratu ditu ikasleak mobilizatu ondoren
2025ean unibertsitatera sartzeko proba egin behar duten ikasleek gaur ezagutu dituzte lehen ebaluazio ereduak, eta pixkanaka argitaratuko dira Euskal Herriko Unibertsitatearen (EHU) webgunean, "Unibertsitaterako sarbidea" atalean.
Eva Ferreira unibertsitateko errektoreak ohar batean azaldu duenez, unibertsitatera sartzeko proba berriak (selektibitate zaharra) zalantzak sortzen ditu, eta funtsezkoa da informazioa "argia eta fidagarria" izatea.
"Funtsezkoa da ikasleek eta ikastetxeek laster ezagutzea ebaluazio ereduak eta irizpideak. Hala ere, bidezko prozesu bat ziurtatzeko, zorrotz lan egin behar dugu probetan eta zuzenketa irizpideetan", erantsi du Ferreirak.
Zehaztu nahi izan du, halaber, gaia arautzen duen Errege Dekretua "berandu argitaratu" izanak (uztailaren 12an) eragina izan duela azterketa-eredu berriaren diseinua eta zuzenketa irizpideak prestatzerakoan.
EHUk gaineratu duenez, "gaurtik aurrera eredu eta irizpide berriak argitaratuko dira unibertsitatearen webgune instituzionalean, ikastetxeek, irakasleek eta ikasleek eredu eta irizpide horiek erabili ditzaten".
Hego Euskal Herri osoko eta Espainiako Estatuko Batxilergoko ikasleek greba egin zuten iragan ostiralean, unibertsitatera sartzeko proba berriaren kontra, eta, hain zuzen ere, azterketa eredu berriak lehenbailehen ezagutzera eman zitzaten.
Salatu zutenez, ikasturtea hasi zenetik hilabete igarota, oraindik ez zuten jakitera eman nolakoa izango den azterketa berria, "ikasle askoren etorkizuna kolokan", eta "inprobisatzen" ari direla salatu zuten.
Unibertsitatera sartzeko proba prestatzeaz arduratzen den batzordeak, bestalde, orduan jakinarazi zuen aste honetan bertan argitaratuko zituztela irizpide berriak.
Greba egun horretan, Ikasleen Sindikatuak eta Ikasle Abertzaleak eragileek manifestazioak egin zituzten Bilbon, Iruñean, Donostian eta Gasteizen.
.
Zure interesekoa izan daiteke
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.