Euriteek hainbat intzidentzia eragin dituzte azken orduotan
Azken orduotan botatako euri-jasek hamaika intzidentzia eragin dituzte Euskal Herriko hainbat txokotan; ibaien emaria handitzea, lur-jausiak, arazoak trafikoan eta uholdeak, besteak beste.
Butroe ibaia, Mungian (Bizkaia), esaterako, gainez egiteko arriskua dago. Udalak autoak herriaren goiko aldera igotzeko eskatu du, ibaiaren goraldia ikusita.
Zuhurtzia eskatu die herritarrei, eta Legardako aparkalekua zabaldu du autoak bertara eraman ahal izateko.
Plentzian (Bizkaia), bi txalet hustu behar izan dituzte Isuskitza auzoan, lur-jausi baten ondorioz, eraikinen alboko mendian luizia izateko arriskua baitago.
Era berean, Bizkaiko suhiltzaileek ura xurgatu behar izan dute Gorlizen, Erandion eta Gernika-Lumon ur-pilaketen ondorioz, eta Lemoizen lurrera jausitako zuhaitz bat kendu behar izan dute.
Gainera, hainbat arazo eragin ditu euriak Gipuzkoako errepideetan.
Dena den, badirudi eguerditik aurrera atertzera egingo duela eta egoerak okerrera behintzat ez duela egingo.
Gaur, lehen orduetan, euria egingo du oraindik, batez ere mendebaldean; zaparrada mardulak izango dira eta ia etengabe egingo ditu. Edozein kasutan, goizean nahiko azkar egingo du atertzera, ekialdetik hasi eta mendebaldera. Goizean bertan, ostarteak zabalduko dira ekialdean, baina litekeena da mendebaldean eta hegoaldean arratsaldera arte hodeitza ez saretzea. Tenperaturak igotzeko joera hartuko du, eta beroenak 13 eta 17 ºC artean ibiliko dira.
Astelehenean, hodeiak eta ostarteak ikusiko ditugu zeruan. Araba eta Nafarroa hegoaldean, hodeiak ugariagoak izango dira, eta noizbehinka euria egin dezake bertan. Gainerako tokietan, isurialde atlantikoan bereziki, hodeiekin batera urdingune politak zabalduko dira. Tenperatura beste apur bat igoko da. Lehen orduetan, lanbroa edota lainoa izan daiteke hainbat txokotan.
Asteartean, tenperaturak igotzen jarraituko du. Maximoak 20 ºC-ren bueltan ibiliko dira isurialde atlantikoan, eta apur bat beherago geratuko dira barnealdean. Aldaketa gutxi ikusiko ditugu zeruan; ostarteak zabalduko dira tarteka, eta hodeitza trinkoagoa izango da hegoaldean. Ez da baztertzen bertan, egunaren hasieran, euri pixka bat egitea. Lainoguneak izango dira lehen orduetan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.