Goialdeko borraskak astindutako etxebizitzen % 94ak elektrizitatea berreskuratu du Valentzian
Pedro Sanchez Espainiako Gobernuko presidenteak adierazi du goialdeko borraskak kaltetutako etxebizitzen % 94ak elektrizitatea berreskuratu duela Valentziako Erkidegoan.
Azken 48 orduetan, elektrizitate-hornidurari lotutako arazoak 240.000 izatetik 14.000 baino gutxiago izatera igaro dira, eta asteburuan zehar gainontzeko hornidura berreskuratzea aurreikusten da.
Era berean, inkomunikatuta dauden guneak estalduraz eta wifi konexioz hornitzeko hainbat gailu elektroniko ere jarri dituztela adiera du Sanchezek.
Ildo horretan, ibilguak eta ibaiertzak garbitzeko lanean ari da baso-brigaden dispositibo zabal bat, kaltetutako azpiegitura hidrikoak konpontzeko.
Errepideen egoera
Pedro Sanchezek azaldu duenez, Errepideen Zuzendaritza Nagusiko 300 langile mobilizatu dituzte garraiobideak konpontzeko. Gaur-gaurkoz, 2.000 auto eta kamioitik gora erretiratu dituzte, bai eta ehunka tona lokatz eta hondakin.
Ildo horretatik, tunelen garbiketan, zuiben konponketan eta behin-behineko desbideratzeak egiten dihardute langileek V30 eta V31 errpideetan zirkulazioa berreskuratzeko.
Espainiko Gobernuak A-7 errepidea konpontzeko lanetan, behin-behineko desbideratzea sortu du, Cuenca eta Valentzia arteko lotunea berreskuratzeko.
Trenbide sarea
Sanchezek gogoratu du gaurtik martxan daudela Valentziako Aldirietako C5 eta C6 lineak, bai eta Valentziako, Aragoiko eta Kataluniako portuen arteko merkantzia-trafikoa ere.
Era berean, Chivako eta Torrenteko tunelen konponketan dihardute, Valentzia eta Madrid lotzen dituen trenbidea konpontzeko. Aldirietako C1 eta C2 lineak ere asteburu honetan konpontzea aurreikusten da.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.