Eskolarik gabe, trafikoan murrizketak ezarrita eta telelanerako deiarekin hasi dute astea Valentzian
Eskolarik gabe, trafikoan murrizketak ezarrita eta telelanerako deiarekin hasi dute astea Valentzia hiriburuan eta Goi Geruzetako Depresio Isolatuak (GOIDI) kaltetutako gainerako herrietan. Azken datuen arabera, hildakoak 213 dira dagoeneko. Denboraleak eragindako txikizioa, berriz, kalkulaezina da.
Valentziako Generalitateko aldizkari ofizialak bart argitaratu duen ebazpenak biltzen ditu krisia kudeatzeko koordinazio mahaiak adostutako neurri bereziak. Besteak beste, trafikoari lotutako murrizketak 48 orduz luzatzea erabaki da —astearte gauerdira arte—, erreskate taldeen eta oinarrizko zerbitzuak (elikagaiak, ura, argindarra eta komunikazioa) berrezartzen ari diren enpresen joan-etorria errazteko.
Atzo iluntzean, hedabideen aurreko agerraldi batean, Vicente Martinez Mus Generalitateko Ingurugiro, Azpiegitura eta Lurralde kontseilariak esan zuen larrialdi egoerari aurre egiteko "ezinbestekoa" dela zenbait herritako sarrera-irteerak mugatzea.
Trafiko-murrizketak larunbatean ezarri zituzten. Orotara, Valentzian bost errepide nagusi daude erabat itxita, goialdeko borraskaren ondorioz: A-7 autobidea, Quart de Poblet eta Torrent artean; N-3a, San Juanetik Siete Aguseraino; CV-33a, Torrent parean; CV-36a, Picanyatik A-7rako lotuneraino; eta C-50a, Chivan.
Murrizketak direla eta, astelehen goiz honetan kilometro luzeko auto-ilarak sortu dira hainbat errepidetan. Valentzia hirira sartzeko sei bidetan pilaketak, denera, 30 kilometrokoak izan dira.
Telelanerako deia
Bestalde, ahal duten herritarrei telelana egiteko eskatu die Generalitateak, "larrialdietarako zerbitzuen eta garbiketatako langileen lana ez oztopatzeko". "Patronalarekin eta enpresekin elkarlana erabatekoa izango da, hala esan didate. Telelana ahalbidetuko da, aukera hori posible den enpresetan", esan zuen Martinez.
Neurriari "lege-babesa" emateko lanean ari direla ere erantsi zuen. Valentziako zein Espainiako gobernuen langile publiko guztiei zabaldu diete telelanerako deia.
Eskolak itxita
Eskolak ere itxita egongo dira Valentzia hiriburuan eta kaltetutako herrietan, baita unibertsitateak ere. Guztira, 22 herrik jakinarazi diote Hezkuntza Kontseilaritzari astebetean, gutxienez, itxita izango dituztela eskolak.
Bilaketa lanak
Bien bitartean, joan den asteartetik desagertuta dauden herritarrak topatzea da erreskate taldeen lehentasuna. Urak hartutako lur azpiko aparkalekuetan eta garajeetan ari dira bila azken orduotan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.