Osakidetzak gripearen aurkako txertaketa herritar guztiei zabalduko die gaurtik aurrera
Osakidetzaren gripearen aurkako txertaketa kanpaina aurrera doa, eta arreta arrisku taldeetan jartzen jarraitzen badu ere, astelehen honetatik aurrera edonork har dezake gripearen aurkako txertoa, gonbidapena herritar guztiei luzatu baitzaie.
Kanpaina urriaren 7an hasi zenetik, Osakidetzak gripearen aurkako 349.066 dosi baino gehiago jarri ditu, horietatik 10.689 baino gehiago haurrei, iaz baino % 30 gehiago, nahiz eta oraindik ere hobetzeko tarterik egon.
Bada, Osakidetzako iturriek jakinarazi dutenez, orain arte, txertoa jartzeko gonbidapena arriskuko taldeei luzatu zaie, hau da, 60 urtetik gorakoei, gaixotasun kronikoren bat dutenei edo haurdun daudeneei. Gonbidapen horek mahai gainean jarraitu arren, astelehen honetatik aurrera nahi duten guztiei luzatu zaie, arrisku taldeetan egon zein ez, immunitate kolektibo handiagoa lortzeko helburuarekin, iaz legez.
Ildo horretan, Osakidetzak hitzordua hartzeko bi modu ezarri ditu: bere web orriaren bidez, 'Aurretiko Zita' atalean, edo erreferentziako osasun zentrora deituz.
Kanpaina urriaren 7an hasi zenetik, Osakidetzak gripearen aurkako 349.066 txerto baino gehiago jarri ditu, iaz baino % 3,8 gehiago. Gainera, % 70ek erabaki dute aldi berean covidaren aurkako txertoa hartzea, arrisku taldeei bi txertoak batera jasotzeko aukera ematen baitzaie, nahi izanez gero.
Haurrak
Bigarren urtez jarraian, Osakidetzak umeengan jarri du arreta, haurrak ere kalteberak eta, gainera, kutsatzaile handiak direlako. Are gehiago, Osakidetzak txerto hori haurren txertaketa egutegian sartu du, eta sei hilabete baino gehiago eta bost urte baino gutxiago dituztenek sistematikoki jasoko dute, egutegian sartuta dauden gainerako txertoekin egiten den bezala. Gainera, ziztadak saihesteko eta, horrela, atxikidura handiagoa lortzeko, txertoa sudurretik ematen zaie.
Orain arte, kolektibo horri guztira 10.689 dosi jarri zaizkio, iaz baino % 30 gehiago. Hala ere, Osakidetzak aitortu du oraindik kopuru txikia dela, eta adin horretako haurrak dituzten familiei dei egin die, txertoa jar diezaieten.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.