Haurrei zuzendutako elikagai ez osasungarrien iragarkiek ez dituzte umeak babesten, kontsumoa areagotzen dute
Haur eta gazteen elikaduraren inguruan ohitura osasungarriak sustatu asmoz, eta horiei zuzenduriko iragarkiek umeengan eragin dezaketen kaltea kontuan hartuta, Eusko Legebiltzarrak aurrerapausoa eman du eta haurrei eta nerabeei zuzendutako publizitatean janari azkarra eta edari energetikoak debekatu ditu.
Euskal Autonomia Erkidegoa da Espainiako Estatuan obesitate gutxien dagoen erkidegoetako bat, baina datuak kezkagarriak dira oraindik ere. Gaiaren jatorrian, besteak beste, sedentarismoa eta dieta desorekatua egon litezke, baina bada aspalditik aipatzen den beste faktore bat ere: adingabeek telebistaren eta Interneten bidez osasungarriak ez diren produktuen inguruan jasotzen duten publizitatearen eragina.
Gasol Foundation erakundeak argitaratutako azken txostenak adierazten du Espainiako Estatuko 8 eta 16 urte bitarteko haur eta nerabe asko (10etik 8) osasungarriak ez diren elikagai eta edarien publizitatearen eraginpean daudela. Hala, aditu askoren arabera, iragarki horiek kontsumitzen dituzten adingabeek aukera gehiago dute elikagai eta edari horiek kontsumitzeko, eta, hortaz, gehiegizko pisua edo gizentasuna izateko.
Euskadin, 6 eta 9 urte bitarteko haurren % 25ek gehiegizko pisua dute, eta % 12,5ek gizentasuna —hau da, gorputzean gantz gehiegi dute—, Aladinok iaz argitaratutako azken ikerketaren arabera (Espainiako haurren elikadura, jarduera fisikoa eta obesitatea aztertzen dituen ikerlana). Espainiako Estatuan, berriz, ehuneko hori handiagoa da: % 40k arazoak dituzte pisuarekin eta % 17,3k gizentasuna.
Zergatik da garrantzitsua elikagaien eta edarien publizitatea arautzea?
Gero eta aditu gehiagok lotzen dute osasungarriak ez diren elikagaien publizitatea haurren gizentasunarekin. Zentzu horretan, eta fenomeno horri aurre egin asmoz, nazioarteko hainbat erakundek, hala nola OMEk, UNICEFek eta World Obesity Federationek, haurren eskubideak babesteko gomendioen artean, haurrei zuzendutako publizitatea eta marketina arautzeko beharra azpimarratu dute.
UNICEFen arabera, haurrak bereziki zaugarriak dira publizitatearen aurrean; izan ere, batik bat 8 urtetik beherakoak ez dira ohartzen ikusten duten publizitatearen edukiak konbentzitzeko asmoa duela. Era berean, haur eta nerabeei saltzen zaizkien elikagai edo edari gehienek kaloria larregi dituzte, azukre erantsiak, trans gantzak eta saturatuak, besteak beste.
Testuinguru horretan, eta inolako kontrolik gabe adingabeek jasotzen dituzten janari azkarren, ultraprozesatuen eta edari energetikoen publizitatearen aurrean, Eusko Legebiltzarrean onartutako Haurren eta Nerabeen Lege berriak aurrerapen nabarmenak egin ditu, hala nola haurrentzako programazio-ordutegian eta horiei zuzenduriko hedabideetan janari azkarra eta edari energetikoak dituzten iragarkiak debekatzea.
Joseba Madariaga UNICEFen presidenteak eta Lur Garmendia nutrizionistak nabarmendu dute aurrerapausoa dela hartutako neurri hori:
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.