Eskola jazarpen kasu batean ezikusiarena egiteagatik zigortutako Bilboko ikastetxeak helegitea aurkeztuko du
Karitate Alabak Begoñako Andramari Ikastetxeak helegitea aurkeztuko du Bizkaiko Lurralde Auzitegian eskola jazarpen kasu baten aurrean ezikusiarena egiteagatik ezarri dioten zigorraren kontra. Atzo zabaldu zen Bilboko Lehen Auzialdiko epaitegi batek emandako epaia, eta aitzindaria da, besteak beste, ezarritako kalte-ordainagatik: eskolak 40.000 euro pagatu beharko baitizkio biktimaren familiari.
Esther Balbuena ikastetxeko zuzendari pedagogikoak kazetariei gaur azaldu dienez, Bilboko Santutxu auzoan dagoen zentroak ez du epaiarekin bat egiten, eta, hortaz, helegitea aurkeztuko dio. Defendatu duenez, "legeak ezartzen dituen protokoloak" jarraitu zituzten, "hasieratik Ikuskaritzarekin zuzeneko komunikazioa izanik". Auzia "zabalik" dagoela eta, "errespetua" eskatu du.
Ikastetxearen ustez, bost urteko neskatoak pairatutakoa "ez da bullyinga", eta horrela azaldu zuten epaiketan ere. "Egoera ez zen erraza izan hasieran, baina ez zen neska baten kontra. Hori ez da bullyinga, izan zitekeen egoera desegoki bat", nabarmendu du.
Epai historikoa
Bilboko Lehen Auzialdiko 8. epaitegiak emandako epaiaren arabera, ikastetxeak 40.000 euro ordaindu beharko dizkio neskato baten familiari, hark 5 urte zituenean pairatu zuen eskola jazarpenaren aurrean ezer ez egiteagatik.
Familiaren abokatuaren arabera, epai aitzindaria da biktimaren adinagatik, ikastetxeak erantzukizun zuzena izan zuelako, eta ezarritako kalte-ordainagatik (inoizko handiena).
Kasua 2021-2022 ikasturtean jazo zen Santutxu auzoko itunpeko ikastetxean. Epaiaren arabera, umeaari beste ikasle batek "etengabeko eraso" fisikoak eta jazarpena egiten zizkion. Hainbat hilabete eman zituen neskatoak egoera horretan, gurasoek ikastetxez aldatu zuten arte.
Epaileak ebatzi duenez, ikastetxeak ez zuen nahikoa egin erasoak saihesteko, eta jasandakoaren ondorioz, biktimak hitz egiteari utzi zion tarte batez, "atzerako jarrera izan zuen harreman sozialekiko" eta "larritasun, insomnio eta apetitu-galera" izan zituen.
Epaiak biktima artatu zuen Osakidetzako psikiatraren txostena ere jaso du proba gisa. Horren arabera, neskatoa "oso gaixo zegoen, tratu txarren eta sexu abusuen aurrean izan ohi den trauma osteko estres larriak jota". Gertakarietatik hiru urte igaro diren honetan, adingabea tratamendu psikiatrikoan dago eta botikak hartzen ditu. Familia etxez aldatu da.
Jazarpen egoera horren aurrean, ikastetxeak "ezikusiarena" egin zuela esan zuen psikiatrak epaiketan.
Gauzak horrela, epaiak ebatzi du frogatuta geratu dela jazarpen kasua ez zela "egoera isolatu eta puntual" bat izan, eta "gutxienez 2021eko irailetik 2022ko martxora arte" gertatu zirela jazoerak. "Tarte horretan ikastetxeak ez zuen inongo konponbiderik topatu", ohartarazi du.
"Adingabea babesteko eta erasoak saihesteko neurriak hartzeko erabakien zantzurik ez dago. Ikastetxea ikusle besterik ez zen izan", nabarmen du epaiak.
Zure interesekoa izan daiteke
Landa ingurua vs hirigune handiak: hirietako bi autoko hiru daude landaguneetan
Trafiko Zuzendaritza Nagusiaren (DGT) azken erregistro ofizialen arabera, Hego Euskal Herriko landa-ingurunean metropoli-eremuetan baino % 55 auto gehiago daude biztanleko, eta kasu batzuetan herriko bizilagunen kopurua gainditzen dute.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.