El Salvadorreko Justiziak presidente ohia epaitzeko agindu du Ellakuria eta bost jesuita hil izanagatik
El Salvadorreko Justiziak Alfredo Cristiani presidente ohia, Rodolfo Parker diputatu ohia eta bederatzi militar ohi epaitzea agindu du, Inazio Ellakuria eta beste bost jesuitaren hilketaren egile intelektualak izan zirelakoan.
Alfredo Cristiani presidente ohiari (1989-1994) eta Juan Bustillo, Juan Orlando Zepeda, Rafael Larios, Nelson Lopez Lopez, Joaquin Cerna, Inocente Montano eta Camilo Hernandez militarrei hilketa delituak leporatzen dizkiete. Gainera, Camilo Hernandez ez gainerakoei terrorismo ekintzak ere egozten dizkiete.
Halaber, Rodolfo Parker diputatu ohia eta Manuel Rivas eta Oscar Linares militarrak krimenak estaltzea eta iruzur prozesala egitea egotzita epaituko dituzte.
Epaileak Cristiani, Parker, Cerna, Zepeda eta Bustillo atxilotzeko agindu du, ez baitira epaitegian agertu. Aitzitik, baldintzapean aske utzi ditu gainerako sei auziperatuak eta hilabetean behin auzitegira agertu beharko dute, epaiketa egin bitartean.
Sarraskia 1989ko azaroan gertatu zen, Erdialdeko Amerikako San Salvador Unibertsitateko campusean. Sei jesuita hil zituzten, bost Espainiako Estatukoak, horien artean Inacio Ellakuria (Portugalete) Askapenaren Teologiako ideologoa.
Gaur egun, 1989ko jesuiten sarraskiagatik bi lagun ari dira espetxe zigorra betetzen. Guillermo Benavides koronelari 30 urteko kartzela zigorra ezarri zioten eta Espainiako Auzitegi Nazionalak 133 urteko kartzela-zigorra ezarri zion Inocente Montano koronelari.
Zure interesekoa izan daiteke
Albiste izango dira: Abisu horia beroagatik, Estatu Batuen eta Iranen arteko bake akordioa eta "Bizi Natura" saioaren denboraldi amaiera
Gaurkoan Orain-en albiste izango direnen laburpena, bi hitzetan.
Eusko Jaurlaritzak euskara azterketetako zeroen auziko "balizko gorabeherak" aztertzeko eskatu dio EHUri
Unibertsitate eta Hezkuntza sailburuek eta errektoreak urgentziazko bilera egin dute, giro adeitsuan. Aurretik, Jaurlaritzaren bozeramaileak eskatuta zuen azterketak azkar zuzen ditzatela, eta Unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
39 urteko gizon bat atxilotu dute, Basaurin adingabe bati sexu-erasoa egitea egotzita
Erasoa larunbat goizaldean egin zuten, lonja batean.
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Amaitu da Martuteneko presoak Zubietako espetxe berrira lekualdatzeko prozesua
Ertzaintzaren konboi batek 230 preso eraman ditu asteazken honetan Martutenetik Zubietako espetxe berrira, segurtasun neurri zorrotzekin. Operatibo honekin amaitutzat eman da espetxe zaharraren huste historikoa.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.