Joxerramon Bengoetxea: "Aldaketa gogoa sumatu dugu lankide eta ikasleen artean eta hori ikusi egin da"
Euskal Herriko Unibertsitaterako (EHU) errektoretzarako hauteskundeak irabazi eta biharamunean, unibertsitateko estamentuetan dagoen "aldaketa gogoa" hauteslekuetan islatu dela adierazi du Joxerramon Bengoetxea EHUko errektore hautatuak.
Euskadi Irratiko Faktoria saioan egin dioten elkarrizketan, bere garaipenaren gakoetako bat hauteskundeetan izandako parte-hartzea handia izan dela nabarmendu du. Tsunami batekin alderatu du, eta giroan atzo antzeman zuen "ilusioa" eta "gogoa" nolabait boto-emaileen artean kutsatu zela uste du.
Hauteskundeetan lortutako garaipenaren atzean zer dagoen galdetuta, hainbat arrazoi aipatu ditu Bengoetxeak. Horren esanetan, bere hautagaitzak unibertsitatearen norabidearen inguruko eztabaida plazaratu izanak boto-emaileak mugiarazi ditu, baita bi hautagaien arteko lehia egoteak eta hedabideetan gaiak izan duen presentziak ere. Halaber, Eva Ferreiraren hautagaitzaren joko zikinak ere eragina izan duela uste du.
Lehia amaituta, Joxerramon Bengoetxeak eskua luzatu dio Eva Ferreiraren lantaldeari elkarlanean aritzeko. Errektore hautatu berriaren iritziz, "denok nahi dugu onena unibertsitatearentzat", nahiz eta batzuetan modu ezberdinean interpretatu biderik "egokiena eta onena" zein den. Hori dela eta, unibertsitateko kide guztiak aintzat hartuko dituztela azaldu du. "Ez dago gehiago balio duen pertsona edo kolektiborik, denok gara unibertsitatea", gaineratu du.
Euskararen egunarekin bat eginez, datorren abenduaren 3an izendatuko dute Joxerramon Bengoetxea EHUko errektore. Hala ere, aurrerago hartuko du kargua.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.