Burusoiltzea saihesteko botika batek 'otso-gizon sindromea' eragin die hamaika jaio-berriri
Aitak erabilitako burusoiltzea saihesteko botikak haren haurrarengan hipertrikosia edo 'otso-gizon sindromea' eragin du, gutxienez, hamaika kasutan. Hala ondorioztatu dute Nafarroako Farmakozintza Zentroak hautemandako kasu bati tiraka topatu dituzten beste hamaika kasuak aztertuta, eta Europako Botika Agentziak aginduta, minoxidil botikaren erabilera orri edo prospektuak albo-kalte horren berri emango du aurrerantzean.
2023ko apirilean Nafarroako Farmakozaintza Zentroak jakin zuen bazela Nafarroan haur jaioberri bat, bi hilabetean zehar bizkarrean eta zangoetan ilea hazi eta hazi ari zitzaiona. Ohiz kanpoko ile-hazkunde hori azal zezaketen bestelako gaixotasunak edo eman izan zizkioten botiken albo-kalteak baztertuta, familiarekin egindako elkarrizketa batean jakin zuten, haurtxoaren aitak minoxidil botika erabiltzen zuela burusoiltzea saihesteko tratamendu gisa.
Gizon hori aitatasunagatiko lan-baimenarekin zegoen haurra zaintzeko, eta denbora asko pasatzen zuen harekin. Aitaren botikarekin kontaktua eten bezain laster hasi ziren haurtxoak zituen hipertrikosiaren sintomak ezabatzen, guztiz desagertzeraino.
Nafarroan kasu hori hautemanda, Espainiako Farmakozaintza Sisteman jasota egin zitezkeen beste antzeko kasuen bila hasi ziren, eta ezaugarri berberak zituzten sei kasu topatu zituzten: minoxidilen tratamendupean zeuden zaintzaileak eta hipertrikosidun haurtxo jaioberriak.
Europako sistemara hedatu zuten gero bilaketa eta beste lau kasu hauteman zituzten: hamaika kasu denera.
Nafarroako Farmakozaintza Zentroaren hipotesiaren arabera, zaintzaileak nolabait haurrari pasatzen dio minoxili botika, baina ez dute oraindik zehazterik izan, azalaren kontaktuagatik ote den ala haurrak botika irensteagatik, azala miazkatzean, esaterako.
Kasu horiek detektatu ondoren, Europako Farmakozaintzan Arriskuak Ebaluatzeko Batzordeak gomendio bat eman du minoxidila duten produktuen fitxa teknikoetan, prospektuetan eta bilgarrietan arrisku horretaz ohartarazteko.
Zure interesekoa izan daiteke
26 urteko emakume bat larri zauritu da Lerinen izandako trafiko-istripu batean
NA-122 errepidean gertatu da ezbeharra. Antza, ibilgailua bidetik atera da eta hainbat itzulipurdi eman ditu.
Maider Etxebarriak hiriko proiektuen balantzea egin du, Andra Mari Zuriaren jaien atarian
"Urte emankorra izan da hiriarentzat", adierazi du Maider Etxebarria Gasteizko alkateak. Hurrengo erronka Andra Mari Zuriaren jaiak dira. 400 ekitaldi baino gehiago daude programatuta datozen egunetarako.
Jaurlaritzak "erantzukizun argiak" dituen "egiturazko migrazio plana" eskatu die Espainiari eta Europari
Melgosa sailburuaren hitzetan, Ceutan gertatutakoa "oso larria da" eta Eusko Jaurlaritza aspalditik ohartarazten ari den zerbait berresten du: "migrazioak aspaldi utzi zion egoera koiuntural bat izateari".
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.