Jaurlaritzak baliabide gehiago eskatuko ditu igarobidean dauden migratzaileak artatzeko
Eusko Jaurlaritzak eta Arabako, Bizkaiko eta Gipuzkoako foru aldundiek baliabide ekonomiko gehiago eskatuko dizkiote Espainiako Ministerioari, igarobidean dauden pertsona migratzaileak "duintasunez" artatu ahal izateko.
Espainiako Gazteria eta Haurren Ministerioak eta autonomia erkidegoek gaur arratsaldean (16:00etan) Madrilen egingo duten bileran, Eusko Jaurlaritzak egiturazko arazoari erantzungo dion migrazio politika publikoa egitea ere exijituko dio.
Euskal erakundeak aspaldidanik ari dira kontingentzia plana eskatzen Espainiako Estatura iristen diren pertsona migratzaileak artatzeko eta gurasorik gabeko adin txikiko atzerritarrak erkidegoen artean banatzeko. Jaurlaritzaren arabera, arazo "koiunturala" izateari utzi dio eta "premiazkoa" da erantzun estrukturala ematea, "eragin berezia duelako termino sozial, kultural eta ekonomikoetan".
Euskadiren egoera gainerako autonomia erkidegoekin konparatuta aldea dagoela onartu arren, Euskal Autonomia Erkidegoa "iparraldeko muga" izendatzea nahi du Eusko Jaurlaritzak eta horrekin batera euskal baliabideetara bideratutako diru kopurua handitzea.
Bestalde, "Migrazio Plan Estrategikoa" egitea eskatuko du, Eusko Jaurlaritzaren arabera, gutxienez, lau elementu jaso beharko lituzkeena: plangintza, aurreikuspena, ebaluazio adierazleak eta memoria ekonomikoa.
Arratsaldeko bileran Nerea Melgosa sailburuak ez ezik, Arabako, Bizkaiko eta Gipuzkoako aldundiek parte hartuko dute, eta amaitutakoan sailburuak balorazioa egingo du.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.