"Stooping"a: altzari ehiztariak eta birziklatzearen heroiak
Stoppinga gero eta ezagunagoa da Euskadin. Fenomenoa baztertutako altzariak eta objektuak bildu eta bigarren bizitza ematean datza, eta batez ere hirietan ari da hedatzen. Izan ere, jendeak objektuak uzten ditu espaloietan eta zabor-edukiontzietan, beste pertsona batzuek jaso ditzaten, eta, horrela, berrerabiltzen dira eta jasangarritasunaren zikloa sortzen da.
Baztertutako objektuak biltzea praktika berria ez den arren eta mendeetan existitu den arren, stooping kontzeptu modernoa 2010ean hasi zen indarra hartzen, sare sozialen gorakadarekin. New York eta gisako hirietan, stoopingari buruzko Instagram kontuak sortu ziren. Terminoa ingelesezko "stoop" hitzetik dator; berba horrek, izan ere, objektu horiek beste batzuek jaso ditzaten jarri ohi diren etxeetako portxe edo eskailerei erreferentzia egiten die.
Bilbo, Donostia, Gasteiz eta EAEko herri askotako komunitateak daude sare sozialetan, kalean dauden objektuei buruzko informazioa partekatzeko. Sarritan, erabiltzaileek argazkiak eta kokapenak argitaratzen dituzte denbora errealean, beste batzuek jaso ahal izateko. Batzuek "hiriko altxorrak" ehizatzeko eguneroko ibilbideak planifikatzen dituzte.
Berreskuratutako objektuak pieza bereziak edo vintageak izan ohi dira; etxea ukitu berezi batekin apaindu nahi dutenentzat, ezin hobeak. Gainera, stooping sareek bizilagunen eta egoiliarren arteko lankidetza sustatzen dute, eta elkarrekiko lotura eta laguntza sentimendua sortu.
Emaus Bilbao Gizarte Ekimeneko Sozietate Kooperatiboaren kideen esanetan, stoopinga ekimen ona da zabortegietara eramaten diren hondakinen kopurua murrizten laguntzen duelako, eta produktuak berrerabiltzea eta birziklatzea sustatu.
Gainera, egoera onean dauden altzariak edo artikuluak doan aurkitzeko aukera ematen du, eta dirua aurrezten da horrela. Hala ere, "kalean dauden altzari horiek gaizki tratatzeko eta berrerabili ezin izateko arriskua dago", azpimarratu dute. "Hori guztia tamaina handiko hondakinen kudeaketa txarraren ondorioa da", gaineratu dute.
Bizkaian, esate baterako, botatako hamar milioi kilo hondakin handietatik 400.000 kudeatu ditu Emausek, eta horrekin 50 lanpostu sortu ditu, eta materialaren % 10 berrerabili dute. Hala ere, "stoopingarekin ezin da eragin hori neurtu, eta gauza bera gertatzen da Vinted, Wallapop eta antzeko plataformekin".
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.