Osasun publikoaren aldeko herri plataformek manifestazioak deitu dituzte otsailaren 1erako
OPA Herri Plataformak osasun publikoaren aldeko herri plataformak biltzen dituen koordinakundeak manifestazioa deitu du datorren urteko otsailaren 1erako EAEko hiru hiriburuetan, 'Osasun publikoaren defentsan promesa gehiagorik ez, konponbide errealak orain' goiburupean.
Barakaldon, Gurutzetako Ospitalearen atarian egindako agerraldian iragarri dute protesta. Bertan esan dutenez, "osasun eskubidea arrisku larrian dago, Jaurlaritzak osasun sistema publikoa desegiteko estrategiarekin jarraitzen duelako". Besteak beste, "sistema pribatizatzen" ari direla salatu dute, "herritarren osasuna" eta "langileen baldintzak" kaltetuz. "Bereziki kritikoa da lehen mailako osasun arretaren egoera: ordutegi murrizketak, mediku falta, zentroen itxiera eta gehiegizko lan-kargak", erantsi dute.
Ildo horretan, ezinbestekotzat jo dute "osasun sistema publikoa eraldatzea", eta horretarako, "aurrekontua biderkatzea" eskatu dute. OPA Herri Plataformak koordinakundearen iritzian, "Osakidetzaren finantzazio eskasa izan da sistemaren narriaduraren arrazoi nagusia".
"2025erako aurrekontuan ez da igoera hori aurreikusten. Lehendakariak igoera 5.000 milioi eurotik gorakoa dela esaten badu ere, errealitatean pisua galtzen ari da, aurrekontu globala eta BPG kontuan hartuta. Oso urruti dago antzeko erosahalmena duten herrialdeekin alderatuta", azaldu dute.
Gauzak horrela, "osasun sistema publikoaren "desegitea" gelditzeko, plataformen ustez, beharrezkoa da "modu bateratuan" erantzutea. Hurrengo asteotan eragile sozial, sindikal eta politikoen ahalik eta atxikimendu gehien batzen saiatuko direla jakinarazi dute, manifestazio deialdirekin bat egin dezaten.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.