Mendi-ibiliak, txirrindularitza, gimnasioa eta igeriketa, Hego Euskal Herrian gehien egiten diren kirolak
Euskal Herriko biztanleek egiten ditugun kirol motak asko dira, baina gehien aukeratzen diren bostak dira mendi-ibiliak, txirrindularitza, intentsitate handiko gimnasia, igeriketa eta pilates eta yogaren tankerakoak.
Mendian ibiltzea gurean sakon errotutako ohitura da eta, beraz, mendi-ibiliak egitea da bai Euskal Autonomia Erkidegoan, baita Nafarroan ere, gehien egiten den kirola. 15 urtetik gorako biztanleen % 45,9k eta % 48,1ek erantzun zuten ariketa hori egiten dutela Espainiako Kirol Ohituren Inkestan. Estatuan, aldiz, % 30ek aukeratzen dute jarduera hori.
Nafarroan txirrindularitzaren datua aipatzekoa da: kirola egiten duten pertsonen % 39k jarduera hori aukeratzen dute. EAEn, ostera, datua baxuagoa da, % 30ekoa.
Izan ere, Arabako, Bizkaiko eta Gipuzkoako biztanleek nahiago izaten dute intentsitate handiko gimnasia (spinning, cross training, aerobic...) egitea; % 35,5ek aukeratzen dute. Igeriketak eta pilates eta yogaren tankerakoek ere jende ugarik erakartzen dute, % 33,8 eta % 28,8, hurrenez hurren.
Nafarroan, hiru praktika horien ratioa txikiagoa da: % 30,1ek egiten dute gimnasia; % 28,8k, pilates edo yoga eta % 27,4k, igeriketa.
Neurri txikiagoan aritzen dira futbolean, korrikan, muskulazio ariketetan, padelean eta saskibaloian, adibidez.
Sasoian egoteko eta ondo pasatzeko
Sasoian egon nahi izatea da EAEko eta Nafarroako herritarrek kirola egiteko arrazoi nagusia. Hala aitortzen dute inkestatuen % 27k. Ia proportzio berean daude dibertitzeko edo entretenitzeko egiten dutenak: % 25,9, EAEn eta % 22,2, Nafarroan.
Azkenik, osasun-arrazoiak eta erlaxatzea dira aipatutako beste bi argudioak.
Bestalde, kirola ez egiteko arrazoien artean, denborarik eza (% 34,8, EAEn eta % 35,7, Nafarroan) eta interesik eza (% 28,3, EAEn eta % 27, Nafarroan) aipatu dira gehien.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.