Osasun Sailak, gripearen bilakaeraz: "Intzidentzia altua da, baina sasoiari dagokiona"
Kutsatze-kasuak goia jotzeko daudela, Alberto Martinez Osasun sailburuak aitortu du gripearen intzidentzia "altua" dela, baina Gabonen osteko garaiaren araberakoa dela zehaztu du. Arnas Infekzio Akutuaren (AIA) Zaintzari buruzko azken txostenaren arabera, arnas infekzio mota horren tasa 505,6 kasukoa da 100.000 biztanleko.
Birusaren bilakaeraren inguruko datuak eman ditu gaur sailburuak, Maite Martinez de Albeniz Osakidetzaren Osasun Laguntzako zuzendaria aldamenean zuela. Bilbon egindako prentsaurrekoan azaldu duenez, aurreikusi zitekeena baino —gogorrago joko zuela uste zen, hego hemisferioko datuak kontuan hartuta— "birulentzia txikiagoa" izaten ari da, eta txertaketari esker izan dela nabarmendu du. Martinez de Albenizen hitzetan, "ez da aparteko egoera" sortu, eta kanpaina hasi zenetik (urritik, alegia), ez da "gorabeherarik" izan.
Kasuek "datorren astearen amaieran" joko dute goia, aurreikusi duenez. Aurtengoak iazkoarekiko "bi asteko atzerapena" duela argitu du: "Iaz, Gabonetan jo zuten goia kasuek; aurten Erregeen ostean izango zela uste genuen, baina geroxeago izango da". "Oraindik bi aste gehiago izango gara presiopean", gaineratu du.
Balorazioa egiteaz gain, hainbat datu eman ditu sailburuak. Gripearen kanpaina hasi zenetik, 2,4 milioi arta orokor egin dituzte Lehen Arretan —iaz baino % 2,7 gehiago—, eta Larrialdietan gripeak jotako 3.932 pertsona artatu —iaz baino 600 gehiago—. Erietxeratutakoei dagokienez, 737 izan dira orain arte (aurreko kanpainan, 1.011). Azkenik, Zainketa Intentsiboen Unitatean (ZIU) ingresatutakoen portzentajea (% 1,5)Estatuko tasa (% 5,6) baino nabarmen txikiago dela azpimarratu du.
Martinez de Albenizen esanetan, azken astean ospitaleetako larrialdiak kolpatu ditu gogorren gripearen epidemiak, baina gaixoak erietxera joateak ez du esan nahi ospitaleratze kopurua igo denik.
Baliabideei dagokienez, Osakidetzak zehaztu du gripe kanpainarako prest zituen 500 ohe gehigarrietatik 282 jarri dituela. Lurraldeka, 44 dira Araban; 115, Gipuzkoan, eta 123, Bizkaian. Martinez de Albenizek azaldu duenez, Gipuzkoan intzidentzia tasa gainerako lurraldeetan baino altuagoa da, eta kasuek nabarmenago egin dute gora.
Txertaketak, gora
Txertaketa hizpide, eta aurreko kanpainako datuekin alderatuta, gripearen kontrako % 4,4 txerto gehiago jarri dira. Haurren txertaketa bikoiztu egin da, eta 80 urte baino gehiagokoen artean % 70koa da.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.