Lopezen aurkako epaiketaren bigarren saioa hartuko du Bizkaiko Auzitegiak, lekuko gehiagoren deklarazioarekin
Mario Lopez Gernika emakumezkoen saskibaloi taldearen entrenatzaile ohiaren aurkako epaiketaren bigarren saioa hartuko du gaur Bizkaiko Lurralde Auzitegiak, 09:00etan hasita. 1998tik 2001era 13 urteko neska bati modu jarraian sexu-abusuak egitea leporatzen diote. Gaurko saioan defentsaren zein akusazioaren lekuko gehiagok deklaratuko dute, tartean Lopezen psikiatrak.
Atzo, epaiketaren lehen saioan, Gernika taldearen entrenatzaile ohiak azaldu zuen "harreman platonikoa" zela adin txikiko neskarekin izan zuena, "sexu-harremanik gabekoa". Defentsak azaldu zuenez, akusatuak epailearen aurrean esan zuen ez zuela sexu-harremanik izan adingabearekin, eta erantsi zuen biktimak "maitasun gutunak" bidali zizkiola. Bere aldetik, akusazio partikularrak uko egin zion hedabideen aurrean adierazpenak egiteari epaia izan arte.
Ia bost orduz luzatu zen lehen saioa, eta bitartean, Bilboko Justizia Jauregiaren kanpoaldean, mugimendu feministak deituta, emakume taldeek elkarretaratzea egin zuen biktimari babesa adierazteko eta "biktimak babesten ez dituen" sistema judiziala salatzeko.
Fiskaltzak 14 urteko kartzela-zigorra eskatzen du Lopezentzat, eta akusazio partikularrak, 18 urtekoa, 13 urte zituenetik 16 urte bete arte jokalari adingabeari sexu-erasoa egitea egotzita.
Ministerio Publikoaren txostenaren arabera, 1998ko uztailetik —entrenatzaileak 31 urte zituen orduan, eta biktimak, 13— 2001era arte, "aitzakiak jarrita", bere etxera eramaten zuen neska entrenatzaileak. Han, Lopezek sexu-erasoak egiten omen zizkion biktimari. Adingabeak "beldurra" zion entrenatzaileari "agresiboa eta oso zorrotza" zelako berarekin entrenamenduetan.
Biktimari trauma osteko estresa diagnostikatu zioten, eta laguntza psikologikoa behar izan du. 2023ko abenduan salatu zuen entrenatzaile ohia, eta klubak kargutik kendu zuen.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.