Noaingo gas-leherketan zauritutako batek alta jaso du eta bost dira orain erietxeratutakoak
Noaingo (Nafarroa) gas-leherketan zauritutako bederatzi pertsonatatik bostek jarraitzen dute erietxeratuta, gertakari larria jazo eta bi egunera, Nafarroako Gobernuak jakinarazi duenez.
Zauritutakoen egoerari buruz egindako azken balantzean (07:15ekoa) jaso dutenez, hainbat kontusiorengatik ospitalean zegoen 54 urteko gizonezkoak sendagiria jaso du gaur, asteazkenarekin. Atzo goizean beste batek, 58 urteko gizaseme batek, jaso zuen alta.
Dena dela, bi dira oraindik larri zauritutakoak, biak ala biak Nafarroako Unibertsitate Publikoko Zainketa Intentsiboen Unitatean (ZIU). Bigarren leherketak bete-betean harrapatu zituen 22 urteko gizonezko bat eta 13 urteko neskato bat dira. Erietxe berean, baina egonkor, beste bi pertsona daude: 49na urteko emakume bat eta gizon bat.
Horrez gain, bosgarren pertsona bat, 57 urteko gizonezko bat, Nafarroako Unibertsitate Publikotik San Miguel klinikara eraman zuten atzo, hobera egin zuela eta.
Bien bitartean, Foruzaingoak eta Nafarroako Guardia Zibilak gertakaria ikertzen jarraitzen dute, leherketaren arrazoiak argitu eta gas-ihesaren iturria zehazteko. Izan ere, oraindik ez dakite zerk eragin zuen hainbat lekutan eztandak izatea. Hori argituta, irtenarazitako 250 bizilagunak, apurka-apurka, etxera itzultzen hasi ahalko dira. Gaur-gaurkoz, senitarteko edo lagunen etxeetan eta inguruko bi hoteletan daude. Agintariek nabarmendu dute egora ez dela aldatuko buelta segurtasunez egingo dela bermatu arte.
Albiste gehiago gizartea
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.