Gripe kasuek behera egin dute EAEn eta ospitaleratzeen kopurua gutxitu egin da
Hainbat astez gorako bidean egon ondoren, gripearen eragina murriztu egin da Euskadiko Autonomia Erkidegoan urteko hirugarren astean, urtarrilaren 13tik 19ra bitartean. Jaitsiera Lehen Arretan zein erietxeetan nabaritu da. Lehen arretako inzidentzia tasa 100.000 biztanleko 67,7 kasukoa izan da, aurreko astean baino 13 puntu gutxiago (80,2 kasukoa baitzen) eta, ondorioz, ospitaleratzeen kopurua ere jaitsi egin da.
Osasun Saileko Zaintza Epidemiologikoaren arloak astero egiten duen txostenean adierazi duenez, Arnas Infekzio Akutuen (AIA) tasak behera egin du orokorrean hirugarren astean. Lehen Mailako Arretako sarean tasa global hori 100.00 biztanleko 651,8 kasukoa izatetik 600,9koa izatera igaro da.
Ospitale-sareko AIA larriaren tasa ere 5 puntu pasa jaitsi da: 100.000 biztanleko 27,2koa izatetik 22,1ekoa izatera.
Hala ere, Osakidetzak kontingentzia aktiboko planari eustea erabaki du momentuz, hurrengo egunetako bilakaerak beheranzko joerari eutsi eta epidemiaren punturik altuena aurreko astekoa izan zela egiaztatu arte.
Lehen arretan zein ospitaleetara bideratutako errefortzu horrek, besteak beste, ospitaleratze-kasuetarako 508 ohe gehiago jartzea aurreikusten du. Gaur egun, 339 ohe daude prest: 48 Araban, 115 Gipuzkoan eta 176 Bizkaian.
Bronkiolitis kasuek ere beheranzko bidean jarraitzen dute: tasa 374,1 kasukoa da 100.000 biztanleko (420 kasu ziren aurreko astean). Azkenik, covid-19aren kutsatze-tasak balio baxuetan jarraitzen du: 2,0 kasu (aurreko astean 1,9 ziren).
Osasun Sailak eta Osakidetzak gripearen bilakaera beste sasoi batzuetan izaten denaren antzekoa dela azpimarratu dute. Azaldu dute birusak ez duela larritasun berezirik eragin eta adierazi dute txertaketari esker lortu dela. Kanpaina honetan txertoa hartu dutenen kopurua % 4 baino gehiago igo da; gripearen aurka 531.722 dosi, eta covidaren aurka 366.114 dosi jarri dituzte.
Azkenik, osasun agintariek gripea eta beste arnas-gaixotasun batzuk prebenitzeko ohiko gomendioak jarraitzea gomendatu dute: eskuak sarri garbitu, pilaketak saihestu, espazio itxiak aireztatu eta maskara erabili.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.