Albiste izango dira: Istilu larriak Erroman, deskontuak garraioan eta Ordoñezen hilketaren 30. urteurrena
Honako gai hauek hartuko dituzte gaur, 2025eko urtarrilaren 23an, hedabideetako lerroburu nagusiak:
- Istilu larriak Erroman: Reala eta Lazio futbol taldeetako jarraitzaile ultrek istilu larriak eragin dituzte Erroman (Italia), talde donostiarrak eta italiarrak gaur jokatuko duten Europa Ligako partidaren bezperan(21:00etan). Zaleek bengalak, makilak, objektu zorrotzak eta aulkiak erabili dituzte borrokan. Lehen informazioaren arabera, hainbat pertsona zauritu dira.
- Deskontuak garraio publikoan: Omnibus lege-dekretua indargabetuta, besteak beste, garraio publikoko deskontuak bertan behera gelditu dira. Espainiako Gobernuaren menpeko garraioetan txartela garestiagoa izango da gaurtik aurrera, hala nola Renfen eta Estatuaren busetan. Hori bai: dagoeneko jaulkita dauden abonuak apirilean amaituko diren arte erabili ahal izango dira. Hala ere, EAEn, operadore eta erakunde gehienek deskontuari behin-behinean eustea erabaki dute, egoera argitu arte eta Espainiako Gobernuak aurrera begira duen asmoa zein den jakin arte.
- Gregorio Ordoñezen hilketaren 30. urteurrena: 1995eko urtarrilaren 23an, ETAk Gregorio Ordoñez PPren Donostiako alkategaia hil zuen tiroz, Donostiako Alde Zaharreko 'La Cepa' tabernan bazkaltzen ari zela. 30. urteurrenaren harira, Ana Iribar alargunarekin eta Consuelo Ordonez arrebarekin hitz egin dugu.
Zure interesekoa izan daiteke
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, Afrikako txerri-izurria dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, Afrikako txerri-izurritearen atzean egon daitekeen ihesaldi bat tarteko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.