Inoiz dirua jokatu duten pertsonen kopurua % 70,5etik % 92,8ra igo da EAEn
"Apustularien prebalentzia, ohiturak eta profilak Euskadin 2024" azterketaren ondorioek "eboluzionatzen ari den errealitate konplexua" islatzen dute, azken urteotan kezkak sortu baitira jokoan aritzeak eragindako jokabideekin eta adikzioekin lotuta.
Azpimarratu behar da ikerketaren emaitzen azterketan agerian geratu dela gizartean jokoaren prebalentzia areagotu egin dela, batez ere Gabonetako eta Erregetako loteriak joko gisa hartu eta onartu direlako.
Gainera, adingabeak jokoan has ez daitezen ahaleginak egin arren, oraindik ere kezkagarria da oso gazte jokatzen hasten diren pertsonen kopurua. Bereziki azpimarragarria da online gertatzen dena; izan ere, eremu horretan gazteak gehiengoa dira.
2019az geroztik, Jokoaren Euskal Behatokiak hainbat ikerketa egin ditu. Horrekin, behatokia bera prest dago aldi horretan izandako aldaketei heltzeko, covid-19ak eragindako pandemia "faktore disruptibo nabarmena" izan baita.
Inoiz jokatu dutela aitortu duten pertsonen kopurua 20 puntu igo da (% 70,5etik % 92,8ra), eta horri erreparatu diote azken urteetan izandako aldaketak aztertu eta gero.
Hala, laginen % 92,8k aitortu zuten bizitzan gutxienez behin jokatu dutela, eta azken 12 hilabeteetan jokatu zutenak, berriz, % 85,8ra jaitsi ziren. Portzentaje horiek agerian uzten dute jokoaren sektoreak presentzia eta normalizazio handia duela gizartean.
Hala ere, jokoan aritzeak eragindako arazoren bat zuten pertsonen ehunekoa % 1 zen 2020an. Lau urte geroago, 2024an, datu hori % 1,5era igo da.
Jokoan aritzen direnek hamaika arrazoirengatik egiten dute, eta arrazoiok aldatu egiten dira joko modalitatearen arabera; hau da, ez dute arrazoi berarengatik jokatzen aurrez aurre eta online egiten dutenek.
Lehenengo modalitatearen kasuan, dirua irabaztea (% 42,7) eta ohitura (% 39,7) dute buruan; dibertsioa (% 34,5) eta irabazi ekonomikoak (% 24,1), berriz, online aritzen direnek.
Beste muturrean, inoiz ez dutela jokatu adierazi duten pertsonen % 7,2k diru eta denbora galeratzat (% 38,2) eta jarduera desatsegintzat (% 28,3) hartzen dute jokoa, besteak beste. Bi arrazoi horiek ere nagusi izan ziren azken urtean jokatu ez dutenen artean. % 49,4 eta % 28,4, hurrenez hurren.
Estatuaren eta ONCEren mendeko jokoak dira oraindik ere nagusi, eta, gainera, aurrez aurreko jokoak garrantzi gehiago izaten jarraitzen du online jokoak baino.
Joko motak, belaunaldika
Ikerketa honetan lortutako datuen arabera, gizonen eta emakumeen artean ere badago alderik, baina, batez ere, belaunaldien artean. Online modalitatea oraindik ez da gazteen esparrutik atera, eta loteriak, berriz, ez dira oraindik gazteengana iritsi.
2020an, 18 urte bete aurretik jokoan hasi ziren pertsonen kopurua % 25ekoa zen, eta, gaur egun, kopuru hori % 17,1era jaitsi da aurrez aurreko jokoari begiratuta, eta % 20,6ra online jokoari erreparatuta. Iritzi publikoa, sarbidea kontrolatzeko neurriak izan daitezke aldaketa horren eragile, besteak beste.
Gainera, 2020an, 18-24 adin tartean % 60k aitortu zuten adinez nagusi izan aurretik hasi zirela jokoan. 2024an, datu hori % 34,6ra murriztu da joko presentzialean, baina online jokoaren kasuan antzeko zenbatekoan (% 60,6) jarraitzen du.
Zure interesekoa izan daiteke
Borondatezko abortuak Osakidetzan egiteko proiektu pilotu bat abiatuko du urrian Eusko Jaurlaritzak
Gaur egun, osasun arrazoiengatik egiten diren abortuez bakarrik arduratzen da Osakidetza, eta zentro pribatuetara bideratzen ditu beren borondatez haurdunaldia eten nahi duten emakumeak.
Trafiko murrizketa handiak izango dira Bilbon EHUren graduazio jaialdiagatik eta Iberdrolaren urteurrenagatik
Murrizketarik handienak 20:00etatik aurrera izango dira, orduan hainbat kale eta Salbeko eta Deustuko zubiak itxiko baitira.
EHUk graduazio ekitaldi handia egingo du gaur San Mamesen
Lehen aldiz, Euskal Herriko unibertsitate publikoan ikasketak amaitzen dituzten gradu eta graduondoko azken urteko 4.000 ikasle baino gehiago bilduko dira ekitaldi bakarrean. Jaia 18:30ean hasiko da, eta, besteak beste, Nogen eta Janus Lester taldeak eta Maialen Lujanbio eta Amets Arzallus bertsolariak arituko dira bertan.
Oztopoen aurrean 'sare sendo bat' osatzen dutela adierazi dute 115 zentroetako lehendakariek
Euskal Herriko 115 ikastoletako lehendakariek agerraldi jendetsua egin dute gaur arratsaldean Hernanin (Gipuzkoa). Azken boladan izandako auzien balorazioa egiteko eta emandako erantzun kolektiboaren balioa goratzeko agerraldia izan da. Ekitaldian, Oier Sanjurjo Nafarroako Ikastolen Elkarteko lehendakariak, Erik Etxart Seaskako lehendakaritzako kideak eta Nekane Artola Ikastolen Elkarteko lehendakariak hartu dute hitza. Azkenaldiko oztopoen aurrean ere 'indartsu eta gogotsu' arituko direla 'euskarazko hezkuntza baten alde' adierazi dute. Bi kasu aipatu dituzte bereziki: Lodosako kasua: Nafarroako Gobernuak Ibaialde ikastolari Haur Hezkuntzako ituna kentzeko egindako saiakera eta eskualdeak emandako babesa. Baxoaren borroka: Ipar Euskal Herrian azterketak euskaraz egin ahal izateko ikasle zein eragileek erakutsitako konpromisoa.
Leon XIV.a Kanaria Handian: "Giza duintasunak ez du pasaporterik"
Espainiara egindako bisitan, Aita Santuak Arguineguin herriko kaia bisitatu du, Kanaria Handiaren hegoaldean. Bertara iristen dira Afrikako migratzaileak dakartzaten txalupetako asko. Ekitaldian, testigantza oso gogorrak entzun dira, eta Leon XIV.ak gizakiaren duintasuna defendatu du.
Gorpu bat topatu dute Iruñean, kale erdian, indarkeria zantzuekin
Gorpua 16:30 aldera topatu dute, Etxabakoitzeko igogailuaren ondoan dagoen lorategi batean, Iruñeko Remiro de Goñi kalean, eta "lehen zantzuen arabera, indarkeriazko heriotza izan da".
"0" kalifikazioa jarri diete zortzi ikasleri USaPeko euskara azterketan, EHUren akats informatiko baten ondorioz
Bizkaiko epaimahai batean izan da akatsa, eta "0" batekin ez aurkeztutako gisa gaizki kalifikatu ziren notak. Unibertsitateak akatsa atzeman du, aktak berrikusi ditu eta nota errealak sartu ditu sisteman, eta dagozkien zentroei jakinarazi die.
Eusko Jaurlaritzak abian jarri du tigre eltxoaren aurkako plana, EAEko 72 udalerritan atzeman ostean
Zaintza ekainaren 15ean hasiko da, eta udazkenaren erdialdera arte iraungo du, tigre eltxoaren jarduera handieneko aldia. Gutxienez 72 udalerritan detektatu da dagoeneko, EAEko biztanleriaren zati handi bat hartzen duten udalerrietan. Horregatik, espezie inbaditzaile horren aurkako prebentzioa areagotu egin da, udalerriekin lankidetzan batez ere.
Baskoniak eta bere zaleek botako dute Gasteizko jaietako txupinazoa
Aurten irabazitako Errege Kopako tituluagatik eta "Baskoniak eta bere zaletuek ordezkatzen duten guztiagatik" hiriak aitortza egingo dio.
8 urtez azpiko haurrek ezingo dute adingabeentzako zezenketetan parte hartu
Zezen-jaietan haurren parte-hartzea erregulatzeko EAJk eta PSEk bultzatutako lege proposamenak PPren aldeko botoa jaso du; EH Bildu abstenitu egin da, gutxieneko adinak 12 urtekoa izan beharko lukeela uste baitu. Araudia osoko bilkuran onartu beharko da, eta zenbait berritasun jasotzen ditu, hala nola abelburuen gutxieneko adina, eta gurasoen baimenen beharra kentzea.