Noain, gas leherketa gertatu eta hilabetera
Urtarrilaren 13 hura zorigaiztoko bihurtu zen Noaingo (Nafarroa) Zabalegi Kontzejuaren kaleko 80 familientzat: gas leherketa batek hainbat etxebizitza suntsitu zituen, bederatzi pertsona zauritu —bi, larri— eta 250 pertsona etxetik irtenarazi. Hilabete igaro da ordutik, eta gaur-gaurkoz, 50 familiak etxetik kanpo jarraitzen dute, eta horietako batzuentzat luze, bi urte inguru, jo dezake bueltak.
Astelehena zen. 15:30ean, lehen eztanda bat gertatu zen, eta kale horretako hainbat etxebizitza hustu zituzten, badaezpada. Bigarrenak (18:30ean), oso bortitza, gaua kanpoan emateko gauzak biltzera sartutako bizilagunak harrapatu zituen, bete-betean. Leherketak eraikinetako bat suntsitu zuen ia, eta bederatzi laguni zauriak eragin. Aste horretan bertan, hustutako 120 etxebizitzetako 80 familia etxera bueltatu ahal izan ziren.
Noaingo Udaleko iturriek EFE albiste agentziari baieztatu diotenez, 50 etxebizitzak hutsik jarraitzen dute, baina horien egoera ezberdina da. Lostra etorbideko 21, 23, 25, 27, 29 eta 31 zenbakietako eta Zabalegi Kontzejuaren kaleko 26, 28 eta 30 zenbakietako etxebizitzek argi eta ur hornidura dute, eta laster jarriko omen diete gasa. Aurreikuspenen arabera, etxebizitzetako bizilagunak bi aste eta bi hilabeteren buruan itzuli ahalko dira, gas hornidura emateko dauden zailtasunen arabera.
Egoera zailagoan daude Zabalegi Kontzejuaren kaleko 20,22 eta 24 zenbakietako bizilagunak. Etxebizitzek kalte material handiak dituzte, eta hortaz, litekeena da bizilagun horien buelta asko luzatzea.
Etxebizitzotan hasi dira segurtasuna bermatzeko lanak egiten: habeak jartzen ari dira, hondakinak kentzen eta segurtasun hesiak paratzen. Era berean, gas sistema berrikusten ari dira, balizko ihesak atzeman eta tutuak aztertzen.
Paraleloki, hasiak dira birgaitze lanekin. Bi fasetan egingo dituzte: aurrena, fatxada, zurteria eta leihoak konponduko dituzte, eta ondoren, kalte handienak dituzten zatiak bota eta berriro eraiki.
10-12 etxebizitza, larriki kaltetuta
Leherketak gehien kaltetu zituen dozena bat etxebizitza horien egitura eta sotoa egoera onean daudela ebatzi dute udal arkitektoek, baina eraikina bera berreraiki beharko dute. Horiek dira, hain justu, etxera itzultzen gehien emango duten bizilagunak.
Familia horiek hoteletan eman zituzten lehen gauak, baina urtarrilaren 30etik, batzuek etxebizitzaren bat lortu dute senitarteko edo lagunen bitartez, eta beste batzuk alokairuan daude (aseguruak ordaintzen du), EFEri kaltetutakoek jakinarazi diotenez.
Ikerketaren berririk ez
Nafarroako erakundeek, dela Amparo Lopez Barne kontseilariak dela Alicia Echeverria Espainiako Gobernuak Nafarroan duen ordezkariak esan dute "ikerketa zabalik" dagoela, beste xehetasunik eman gabe.
Bizilagunek dakiten azkena Lopezek leherketaren astean esan zuena da: gas enpresak Larrialdiei jakinarazi ziela "arriskurik ez" zegoela.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.