Jaurlaritzak iragarri du Onkologikoa ekainaren 30ean integratuko dela Osakidetzan
Alberto Martinez Eusko Jaurlaritzaren Osasun sailburuak iragarri du Donostiako Onkologikoa ekainaren 30ean integratuko dela Osakidetzan "organikoki eta funtzionalki", eta 2027an protonterapia martxan jarrita, zerbitzu onkologikoan nazioarteko "erreferente" izango dela Donostia Ospitalea.
Martinezek agerraldia egin du Eusko Legebiltzarreko Osasun Batzordean, EH Bilduk eskatuta, Eusko Jaurlaritzak Onkologikoarentzat dituen proiektuen berri emateko.
Rebeka Ubera EH Bilduren legebiltzarkideak kritikatu du azken urteetan "Onkologikoa suntsitzen" aritu direla, eta jada ez dela "lehen izandakoa, ez da izan bere garaian minbiziaren arloan iragarritako erreferente hori".
"Zeukan balio erantsia, jarduera, pazienteekiko kalitatezko arreta, prozedurak… guztia galdu da, eta Onkologikoa Osakidetzan sartzearekin batera, praktika on guztiak desagertu dira, guzti-guztiak", salatu du.
Osasun sailburuak aitortu du Onkologikoaren integrazio prozesua "zaila" dela "administratiboki, juridikoki eta lan arloan", baina adierazi du "azkenean euskal gizarteari on egingo" diola, eta "Euskadi Onkologia sektorean nazioarteko erreferente izateko aukera" irekiko duela.
Martinezek aurreratu du ekainaren 30ean burutuko dela integrazioa, eta Onkologikoa "titulartasun publikoko baliabide" izango dela.
"Onkologikoa Osakidetzan integratzeak eta 2027an protonterapia zentroa abian jartzeak Donostia Unibertsitate Ospitalea Onkologiaren arloan erreferentziako mugaz gaindiko zentro bihurtuko dute", azpimarratu du.
Bere esanetan, "helburua da osasun-zentroak arreta ematea Gipuzkoari, Bizkaiari, Arabari, Nafarroari eta baita Iparraldeari ere. Beraz, herri-proiektu bat da". Protonterapiari dagokionez, esan du 2027rako lehenengo pazienteak tratatu ahal izango direla, eta, gainera, Estatuko lehenak izango direla.
Era berean, "Osakidetzak subrogatu egingo ditu Onkologikoko osasun-zentroan lan egiten duten eta Donostialdeko ESIari atxikita geratuko diren langile sanitarioen eta ez-sanitarioen —gaur egun 297 dira, eta horietatik 232 finkoak dira— eskubideak eta betebeharrak".
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.