Giro eguzkitsu eta lehorra igandean itzuliko da; larunbata euritsua eta freskoagoa izango da
Astea aro atsegin eta udaberri tankerako tenperaturekin hasi bada ere, aste bukaerarako, bereziki larunbaterako, aldaketa espero du Euskalmet Euskal Meteorologia Agentziak: euria eta giro freskoa aurreikusi du. Igandean, baina, bueltan izango da asteko giro epel eta argia.
Ostiralean, hego-haizea izango da beste behin protagonista. Zakar ibiliko da, eta, ondorioz, tenperatura balio altuekin jarraituko dugu, nahiz eta maximoak bizpahiru gradu jaitsi (18 ºC espero dira Bilbon, Donostian eta Baionan; 14-15 ºC, Gasteizen eta Iruñean). Zerua hodeitsu egongo da, erdi-mailako hodeiekin eta goi-hodeiekin, eta azken ordura arte eutsiko dio ateri. Gauean, fronte bat sartuko da eta hodei trinkoagoak agertuko dira zeruan: prezipitazioak izango dira, aurrena mendebaldean, eta ekialdera zabalduko dira gero. Tenperatura epelenak goizean neurtu dira, eta hotzenak, berriz, gauean.
Larunbatak beste aurpegi bat erakutsiko du, betiere eguraldiari dagokionez. Giro fresko eta ezegonkorra izango da nagusi. Tenperatura maximoak hiruzpalau gradu baxuagoak izango dira, eta minimoak, bezperan bezala, azken orduetan neurtuko dira. Euriari dagokionez, denean egingo du goizaldean; gainerako orduetan, zaparradak noizbehinka eta han-hemenka egingo ditu, eta egunaren amaieran atertu egingo du. Mendebaldeko eta ipar-mendebaldeko haizea ibiliko da, eta ziertzoak tarteka gogor joko du Ebroren ibarrean arratsaldean.
Iganderako, aldaketa aurreikusi du Euskalmetek; izan ere, giro lehor eta eguzkitsua itzuliko da berriro. Zerua ia oskarbi egongo da, hodei maskalen bat egongo bada ere —lainogune batzuekin egunsentian, eta erdi-mailako hodeiekin eta goi-hodeiekin egunaren amaieran—. Goizaldean, hotz egingo du, eta ez da baztertzen Araba eta Nafarroako zenbait lekutan izotza egitea. Hegoaldeko haize suabea ibiliko da, eta haizearen laguntzarekin, eguneko tenperaturak gora egingo du; altuenak 15-18 ºC-koak izango dira.
Zure interesekoa izan daiteke
Gizonezko batek 49 urteko bikotekidea bat hil du Zaragozan
Auzokideek Polizia Nazionalari deitu zioten bikotearen etxebizitzan liskar gogor bat izan zela jakinarazteko. Patruila bat bertaratu denean, emakumearen gorpua aurkitu dute, labankadekin. Ustezko hiltzailea dagoeneko atxilotu dute.
Zeintzuk dira Forbeseko aberatsenen zerrendan agertzen diren bost euskal herritarrak?
Daniel Mate donostiarra, Glencoreri lotua, euskal ordezkaritzaren buru da Forbesen zerrendan. Ondoren, De Urrutia, Ybarra, Arregui familiak eta Jose Antonio Jainaga siderurgiako enpresaburua daude. Burtsak gorabehera, Euskal Herriko aberatsek Estatuko mapa ekonomikoan duten pisuari eutsi diote.
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe-zigorra eskatu du.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.