Gasteizko Santiago Ospitaleak martxoaren 31n irekiko du berriro Larrialdi Zerbitzu Orokorra
Gasteizko Santiago Ospitaleak martxoaren 31n zabalduko du berriro Larrialdi Zerbitzu Orokorra, egun dituen langile kopuru berdinarekin, Osakidetzak ez baitu uste Txagorritxuko ospitalera joaten diren pazienteen fluxua nabarmen aldatuko denik.
Osasun Sailak duela hiru urte erabaki zuen Santiagoko larrialdi zerbitzua ixtea, eta ordutik Txagorritxun eman dira mota horretako zerbitzu gehienak.
Santiago Ospitalean, 2022ko otsailaz geroztik, zenbait zerbitzu ematen jarraitu da Larrialdietan: medikuek pazienteak bideratzea, anbulantzietan lekualdatzea eta Oftalmologia, Psikiatria eta paziente zaurgarrien espezialitateak.
Martxoaren 31tik aurrera, aukeraketa sistema unibertsala ezarriko da berriro Santiagon, pazienteak aztertzeko eta larritasunaren arabera artatzeko.
Enrique Barez Arabako ESIko zuzendariak azaldu duenez, Santiagoko Larrialdi zerbitzuak ospitalera iristen diren paziente guztiak artatuko ditu, baina Txagorritxurekiko koordinazioa hobetuko dute, arreta "logikoena" izan dadin.
Horregatik, adibidez, paziente bat traumatologiako patologia batekin heltzen bada, Santiagoko medikua, behar izanez gero, Txagorritxuko espezialistarekin harremanetan jarriko da, balorazioa ala horren ondoriozko tratamendua, edo, hala badagokio, ospitaleratzea ospitale batean edo bestean egin beharko den aztertzeko.
Bi mediku, hiru erizain eta bi erizaintzako laguntzaile txandako
Sistema berri horretarako, hasiera batean, egungo langile kopurua mantenduko da, eta, txandako, bi mediku, hiru erizain eta bi erizaintzako laguntzaile izango dira.
Joan den 14an larrialdi orokorrak berriro ireki behar zirela iragarri ondoren, eta pazienteen fluxua handitu zela ikusita, azken asteetan, goizeko txandan hiru mediku ari dira, zerbitzua indartzeko.
Bi eremu izango dira martxan, eta bakoitzak sei box izango ditu. Bost postu gehiagorekin sendotuko dira tratamenduetarako, eta beste bi, psikiatriarako.
Barezen ahotan, Santiagoko Larrialdiak berrantolatuta, Osakidetzak ez du uste pazienteen banaketa funtsean aldatuko denik: 5,5, Txagorritxun eta bakarra, Santiagon.
Hala ere, Barezek erantsi duenez, Osakidetzak Larrialdien bilakaera etengabe aztertuko du, etorkizunean Santiagoko zerbitzua behargin gehiagorekin indartzea beharrezkoa izango balitz ere.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.