Ehun bat lagun bildu dira Basaurin sutean kaltetutako familiei babesa emateko manifestazioan
Basauriko sutean etxebizitza galdu zuten auzokideak Bilbon ostatu hartuta zeuden hoteletik atera dira, ostegunean itxialdia iragarri bazuten ere, eta ostiral arratsaldean manifestazioa egin dute Basauriko kaleetan, egoerari irtenbidea ematea eskatzeko.
Kaltetutako 17 familietako kideek zabaldu dute ehun bat lagun bildu dituen manifestazioa, eskuetan zeramaten pankartan leloa hau zeramatela: "El Kalero no se abandona. Ayuntamiento solución". Arratsaldeko seietan abiatu da martxa sua piztu zen lekutik, eta "Alcalde da la cara" edo "Hay niños en el Kalero" oihuen artean, udaletxeraino joan dira.
Batu sindikatuko kideek azaldu dutenez, ostatu hartu zuten hotela uztera "behartu" ditu Udalak, eta baliteke familia batzuek (22 dira guztira) "kalean lo egin behar" izatea.
"Ez dakigu non igaroko duten gaua, horren denbora gutxi izanda, ezin izan baitute alternatibarik aurkitu", esan dute Batuko bozeramaileek.
Itxialdia eta laguntzak
Urtarrilaren 31n Kareaga auzoko etxebizitza batean piztu zen sutearen kalteak jasan zituzten bizilagun batzuek ohartarazi zuten hotelean itxialdi mugagabea egiteko asmoa zutela, alternatiba "duina" eman arte.
Gaur goizean hedabideei azaldu dietenez, Udalari eskatzen diote bere gain har ditzala lau hilabetez etxebizitzak galdu ondoren gizarte-larrialdiko gastu guztiak, legeak agintzen duen bezala, azaldu dutenez.
Herritarrek eta Batuko kideek elkarretaratzea egin dute eguerdian Bilboko hotel horren aurrean, kaltetuak logeletatik irteten ari ziren bitartean, eta irtenbide bat emateko eskatu diote alkateari, "Iragorri, aurpegia eman" eta "Alkate, zer gertatzen da? Zure etxea ez dago sutan" oihukatuz.
Udalak ostegunean azaldu zuenez, "larrialdi sozial" kasua izanik, legeriaren arabera, lau hilabetez etxebizitza faltaren arazoari aurre egiteko laguntza dagokie bizilagunei, baina, Udalaren arabera, ezin ditu aldi baterako horrenbeste bizitoki bermatu geratzen diren hiru hilabeteetarako, eta, beraz, familia unitate bakoitzari 2.640 euroko laguntza eskaini die, hiru hilabetetarako bizitokia ordaindu ahal izateko.
Asier Iragorri Basauriko alkatearen arabera, Batu sindikatuko kideek goizean adierazi diete bizilagunek hotela utzi eta laguntzak onartuko dituztela, baina handik gutxira "harriduraz" jakin du, hedabideen bidez, bizilagunek uko egiten diotela Udalaren laguntzari, eta "ulertezina da". Iragorrik "surrealista" iritzi dio familiek 2.640 euroko laguntza horri uko egin izana.
22 familietatik zazpik bakarrik onartu dute, eta dagoeneko topatu dute bizitokia.
Agintari jeltzalearen hitzetan, bizilagunek uko egin diote laguntzari "sindikatuak egoera probestu nahi duelako eta protagonismoa bereganatu".
Alkateak gogorarazi duenez, bizilagunek hotela utzi eta laguntza onartuko zutela jakin orduko, gizarte langileen "agenda liberatu" du, familia hauek artatu ahal izateko, eta teknikariei hotelera joatea ahalbidetu die laguntzak jasotzeko izapideak errazteko.
Zure interesekoa izan daiteke
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Familian Mugikorrik Gabeko Eguna ospatuko dute Donostian, Bilbon eta Gasteizen. Familietan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta denbora partekatuaren balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga garraiatzeko arduraduna 76 urteko gizon bat zen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.