Giro lasaia eta epela astea hasteko, goibelago asteartetik aurrera
Giro eguzkitsua nagusituko da asteburu amaieran eta datorren astearen hasieran, baina asteartean okertzen hasiko da, eta tenperatura jaistearekin batera, euria ere egingo du.
Gaur, giro lasaiagoa. Haizeak hegoaldetik joko du, bolada gogor batzuekin mendi inguruetan, baina egoerak ez du zerikusirik izango atzoko haizetearekin. Goizean, hodeiak eta ostarteak izango ditugu: kostaldean, ostarteak zabalak izango dira, eta barnealdean, aldiz, hodei gehiago pilatuko da. Arratsaldean, hodei gehiago iritsiko da hegoaldera, eta zaparrada batzuk egingo ditu. Tenperatura maximoak pixka bat jaitsiko dira, baina, hala ere, isurialde atlantikoan balio nahiko altuekin jarraituko dugu.
Astelehenean, hodeiak eta ostarteak tartekatuko dira. Isurialde atlantikoan, ostarte zabalak irekiko dira; hegoaldean, aldiz, hodeituago egongo da. Gauean, hodeiak ugaritu egingo dira, eta euria egin dezake noizbehinka, probabilitate handiagoarekin hegoaldean. Hego-mendebaldeko haizea ibiliko da, bolada gogorrekin haizeguneetan. Tenperaturan ez da gorabehera handirik izango.
Asteartean, tenperaturaren jaitsiera eta giro goibelagoa. Hodei ugari izango dugu egun osoan, baina hodeitza trinkoagoa izango da eguerditik aurrera. Euria egingo du, batez ere egunaren bigarren partean. Euri sarriago eta ugariago egingo du isurialde atlantikoan. Hego-haizea ibiliko da goizean, baina iparrera egingo du eguerdian. Tenperatura maximoak 2 edo 3 ºC jaitsiko dira.
Asteazkenean, hego-haizeak tenperatura igoko du, eta laino asko espero bada ere, ez du bezperan bezala euria egingo.
Kontsulta ezazu eguraldiaren iragarpena, eta bidali zure argazkiak eta bideoak.
Albiste gehiago gizartea
Getxoko Areetako hondartza hustu dute lehergailu bat izan zitekeen objektu bat agertu ostean
Pertsona batek "objektu herdoildu bat" aurkitu du itsasertzean, 10:30ean, eta abisua eman du. Ertzaintzako artezilariek ezingo dute ezer egin gauean marea jaitsi arte. Hori dela eta, Ertzaintzak eta Getxoko Udaltzaingoak hondartza itxita izango dute.
Fiskaltzak zazpi urteko tratamendu psikiatrikoa eta inhabilitazioa eskatu du Kabiezeseko erizainarentzat
Alberto Martinez Osasun sailburuak ziurtatu duenez, Osakidetzak pertsona bat jarri zuen Santurtziko Kabiezes osasun zentroan txertaketak simulatzea egotzita epaitu duten erizaina "zaintzen", gertatzen ari zenaren berri izan bezain laster, lehen kexak jaso ondoren.
Robert Treviñok auzitara eraman du Euskadiko Orkestra, kaleratzeagatik
Euskadiko Orkestraren Administrazio Kontseiluak urtarrilean erabaki zuen Treviño zuzendari artistikoaren eta Roch orkestraren zuzendari nagusiaren zikloari amaiera ematea.
2023an Tolosako inauterietan foam pilotakada batek zauritutako gaztearen auzia berriz irekitzeko agindu dute
Gipuzkoako Probintzia Auzitegiak iaz artxibatutako auzia berriro irekitzeko agindu dio Tolosako Instrukzioko 1 zenbakiko Epaitegiari. Bere ustez, beharrezkoa da beste eginbide batzuk egitea Ertzaintzaren foam-pilotakada batek zauritutako gaztearen kasuan.
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.