Etxarri gaztetxearen itxieraren aurka protesta egin duten hainbat lagun atera dituzte Bilboko osoko bilkuratik
Bilboko udaleko osoko bilkura jarraitzen ari ziren hainbat gaztek saioa eten dute, apirilaren 4rako iragarrita dagoen Errekalde auzoko Etxarri gaztetxearen itxiera salatzeko. Azkenean, ordea, udaltzainek bertatik atera dituzte.
Juan Mari Aburto alkateak hirutan eskatu die irteteko, baina, joaten ez zirela ikusita, udaltzainei eskatu die gazteak bertatik ateratzeko.
Auzoko 60 kolektibok baino gehiagok manifestu bat sinatu dute Errekaldeko gaztetxea ez husteko eskatuz. Halaber, ostiral arratsaldean egingo den manifestazioan parte hartzera deitu dute. Errekaldeko plazatik abiatuko da, 18:30etik aurrera.
Etxarri gaztetxeak 2014an ireki zituen ateak Kukutza eraisteak Errekalde auzoan utzitako hutsuneari erantzuteko asmoz. Gaztetxeak salatu duenez, Amenabar eraikuntza enpresak proiektu urbanistiko "elitista" bat egitea aurreikusi du inguru horretarako. "Azken hilabeteetan Etxarriren inguruko pabilioi industrial guztiak erosten ibili da Amenabar eraikuntza enpresa, etxebizitza berriekin negozioa egiteko", gaineratu dute.
Zure interesekoa izan daiteke
Iñaki Angulo youtuberraren aurkako ikerketa hasi du Fiskaltzak, Hector Bellerin futbolariari irain homofoboak egiteagatik
Hoteletako erreserbekin lotutako iruzur kasuen gorakada atzeman du Ertzaintzak
Ginekologiako eta bularreko minbiziari eskainitako EITB Maratoiak ikerketa jarriko du erdigunean eta Zea Mays taldearen "Elektrizitatea" abestia izango du soinu-banda
Fisikako Nobel saria Francis Halzenek jaso du, jatorri astrofisikoko energia handiko neutrinoak aurkitzeagatik
Beste greba egun bat dute gaur hezkuntzan Iparraldean, baliabide gehiago eskatzeko
Alokabideren etxebizitza bateko bizilaguna etxegabetu dute Bilboko Atxuri auzoan
Istiluak Bartzelonan, etxebizitza eskubidearen aldeko manifestazio jendetsuaren ostean
Jon Agirre legazpiarraren belarri tortillak nazioarteko lehiaketa bat irabazi du
