Konstituzionalak GuraSOS babestu, eta baliogabetu egin du Auzitegi Nagusiak erraustegiaz eman zuen ebazpen bat
Auzitegi Konstituzionalak GuraSOSi arrazoia eman eta ingurugiro arloan justiziara jotzeko duen zilegitasuna aitortu dio. Erabaki horrek bertan behera uzten du EAEko Justizia Auzitegi Nagusiak 2021ean eman zuen ebazpen bat, eta auzitegi horrek tramitera onartu beharko du elkarteak erraustegiari eman zitzaion ingurugiro baimenaren aurka jarri zuen helegitea.
Jose Maria Izeta GuraSOSen presidenteak eta Joseba Belaustegi abokatuak eman dute Konstituzionalak martxoaren 24an sinatutako ebazpenaren berri.
Inmaculada Montalvan magistratuak sinatutako ebazpenaren alde agertu dira konstituzionaleko magistratu guztiak ere, eta bertan behera utzi dute duela lau urte EAEko Justizia Auzitegi Nagusiak eman zuen ebazpena.
Konstituzionalak iritzi dio GuraSOSi "urratu" egin zaiola "babes judizial eraginkorra izateko duen eskubidea, jurisdikziora iristeko eskubideari dagokionez", eta, ondorioz, "berrezartzea" agintzen du.
Hori horrela, Auzitegiak onartu egin beharko du GuraSOSek 2016an aurkeztu zuen helegitea. Zubietako erraustegiari eman zitzaion ingurugiro baimenaren aurkako helegitea izan zen GuraSOSek sartu zuena.
Izetak eta Belaustegik adierazi dutenez, Konstituzionalaren erabakiarekin, EAEko Justizia Auzitegi Nagusiak "sakoneko gaia" aztertu beharko du, eta erraustegiaren ingurugiro baimena legezkoa den ala ez "erabaki".
Haien arabera, agerian geratu da Auzitegi Nagusiak ez zuela aintzat hartu helegitea atzera botatzeak zuen "neurriz kanpoko" emaitza.
"Bederatzi urteren ostean, Konstituzionalak berriro ireki dizkigu Aldundiak, GHK-k, Eusko Jaurlaritzak eta EAEko Justizia Auzitegi Nagusiak itxi zizkiguten ateak", adierazi du abokatuak, "GuraSOSek epaiketa guztiak galtzen dituela" dioten agintari politikoen jarrera kritikatuz.
Elkarteko ordezkariek uste dute Auzitegi Nagusiak urtea amaitu aurretik eman dezakeela helegiteari buruzko ebazpena.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.