Euskadin 49 eutanasia egin dira 2024an, eta eskatzaileek 74 urte zituzten, batez beste
Euskadik Eutanasiari buruzko Informazio Sistema bat jarriko du martxan 2025ean, datuak hobeto kudeatzeko eta eskubide hori erkidegoan aplikatzeari buruzko ikuspegia zehatzagoa izan dadin. Hala iragarri dute I. Euskadiko eutanasiari buruzko hausnarketa-jardunaldian, Bilbon.
2024an, 74 eutanasia-eskaera jaso dira Euskadin, eta horietatik 49 baimendu eta egin egin dira. 3/2021 Lege Organikoa indarrean sartu zenetik, 133 pertsonak jaso dute hiltzeko laguntza medikoa, eta eskaerak % 46 igo dira. Hala ere, 100 pertsona hil ziren prozesua amaitu aurretik.
Eusko Jaurlaritzako Osasun Sailaren 2024ko txostenaren arabera, eskatzaileen batez besteko adina 74 urtekoa izan da: 100 urte, zaharrenak, eta 33 urte, gazteenak. Horietatik % 37k gaixotasun neurologikoak zituzten eta % 36 paziente onkologikoak ziren.
Lurraldeka, Gipuzkoan 31 eskaera erregistratu eta 24 prozedura egin dira, Bizkaian 32 eskabide izapidetu eta 19 eutanasia egin dira, Araban 11 eskaera izan dira eta sei prozedura gauzatu dira. Eutanasien % 53 ospitaleetan egin ziren; % 32, eskatzailearen etxeetan, eta % 14, egoitza soziosanitarioetan.
Maite Martinez de Albeniz Osakidetzako Asistentzia Sanitarioaren zuzendariak nabarmendu du hiltzeko laguntza eskatzea zabaltzen ari dela Euskadin, eta helburua laguntza hori eskatu eta aplikatzeko moduak hobetzen jarraitzea dela. Gainera, azpimarratu du eskaera egiten denetik eutanasia egin arteko batez besteko denbora 49 egunekoa dela; bost kasutan, gainera, gaixoek organoak eman dituzte.
Euskadiko Eutanasia Bermatu eta Ebaluatzeko Batzordearen presidente Itxaso Bengoetxeak adierazi duenez, Euskadi, Kataluniarekin eta Nafarroarekin batera, eskubide hori aplikatzen buru da Estatuan.
Eutanasiaren prestazioari buruzko informazio guztia Osasun Sailaren webgunean aurki daiteke.
Albiste gehiago gizartea
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak “Xabiertxo”, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean Merindadeetatik abiatu da manifestazio nagusia, eta 19:00etan Donostian, Gasteizen eta Bilbon. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero, hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso da gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.
Hasi da gripearen aurkako txertaketa-kanpaina, eta 75 urtetik gorakoei txerto indartua jarriko diete
"Zu zara funtsezko pieza gripea saihesteko. Jarri txertoa" lelopean, Osakidetzak hitzordua eskatzeko deia egin die pertsona zaurgarriei. Astelehenean hasiko dira txertatzen. Kalteberatzat jo ez dituztenek azarora arte itxaron beharko dute txertoa hartu ahal izateko.
Palestinarekin Elkartasuna plataformak Sumud Flotillaren aurkako erasoa kaleetan salatzeko deia egin die euskal herritarrei
Plataformaren ustez, "ezinbestekoa da Israelen eta mendebaldeko konplizeen aurkako mobilizazioa eta borroka bultzatzen jarraitzea", eta bat egiten du Gazarako Mugimendu Globalak Euskal Herriko hiriburu eta udalerrietan egindako deialdiekin.
Renfek erabat berrezariko du Bilbo eta Santurtzi arteko larunbat eta igandeetako tren-zirkulazioa
Aste barruan, trenak ohiko ordutegiaren % 50eko maiztasunarekin dabiltza, behin-behinean, aldaketarik iragarri bitartean.
Elhuyarrek sei hizkuntzatan automatikoki bikoizteko plataforma sortu du
Elhuyar Fundazioak Euskal Herriko lehenengo bikoizketa automatikoko plataforma sortu eta martxan jarri du. Erreminta honekin ikus-entzunezko eduki bat sei hizkuntzatan (euskara, gaztelania, frantsesa, ingelesa, galiziera eta katalana) bikoiztu daiteke eta jatorrizko ahotsak imitatzeko aukera ematen du. Tresna berria Aditu plataforman integratu da. Horrela, plataforma hau azpitituluak sortzeko plataforma izatetik automatikoki bikoizteko aukera ematera igaro da.
Bingen Zupiriaren arabera, segurtasunaren arloan "hainbat gertakari larri" izan dira aurten euskal gizartean
Bingen Zupiria Eusko Jaurlaritzako Segurtasun sailburuak ohartarazi duenez, "arazo sozial oso garrantzitsua" dago, urtarriletik abuztura 10 hilketa izan baitira Euskadin, bai eta emakumeen aurkako "hainbat motatako eraso asko" ere. Gainera, nabarmendu duenez, Euskadin "arma zuriak erabiltzera ohituta dauden eta gatazka asko sortzen dituzten pertsonak" egon badaudela "egiaztatu" ahal izan dute.
Gipuzkoako Foru Aldundia Bernedo auzian akusazio gisa aurkeztuko da
Arabako Foru Aldundiak, bere aldetik, "erabat onartezinak" diren jarrerak argitzeko informazioa biltzeko dei egin du, eta galdetu du orain arte zergatik erakunde bakar batek ere ez duen esku hartu. Hori dela eta, azken bururaino ikertzearen alde agertu da.