Lekeitioko musika bandak bere jarduera etengo du, zuzendariaren kontrako salaketen polemika betean
158 urteko ibilbide luzearen ondoren, Lekeitioko (Bizkaia) musika bandak bere jarduera etengo du apirilean, zuzendariak ikasleak jazarri dituela esanez hainbat salaketa jaso ostean.
Garai batean udal banda zen arren, duela 20 urtetik irabazi asmorik gabeko elkarte batek kudeatzen du. Urtero hitzarmena izenpetu izan du Udalarekin, dirulaguntzak jasotzeko eta zuzendaria kontratatzeko. Hain justu, zuzendariaren kontratua otsailaren 28an eten zuen Udalak, haren kontrako salaketak zein beste arrazoi batzuk tarteko.
Lekeitioko Udalak ohar bidez azaldu duenez, zuzendariaren kontrako dozena bat salaketa jaso dituzte, tratu txar psikologikoak eta mehatxuak egotzita. Martxoaren 5ean, helbide elektronikoz jaso zuten lehen salaketa anonimoa (aurrez, sare sozialen bidez zabaldu ziren). Jaurlaritzan kontsulta egin ostean, Udalak posta elektronikoko helbide bat jarri zuen herritarren eskura, balizko biktimek euren lekukotzak helarazteko. Ordutik 12 salaketa jaso dituzte, batzuk aurrez aurre, eta tartean adingabeak daudela. Gainera, banda zuzendariari azalpenak emateko aukera eman zioten.
Arrazoi horiez gain, Udalak jakinarazi du "behin eta berriro" eskatu dioten arren, zuzendariak ez diela aurkeztu titulazioa. Gainera, finantzazio arazoak ere badaude, "Lekeitio moduko herri txiki batentzat gaitza" delako "Musika Eskolara ia 200.000 euro bideratzea, eta ia 100.000, Bandara".
Banda kudeatzen duen elkarteak ere oharra atera du, salatu zuzendaria kontratatzea "ezinezkoa" zaiela, boluntarioak baitira elkartean. EITBk elkartearen batzarrarekin eta zuzendariarekin hitz egin du, eta biek ala biek tratu txar salaketak "faltsuak" direla esan dute. Era berean, salatu dute Udalaren maniobra dela, banda desager dadin.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.