Osakidetzako Genero Identitatearen Unitateak 2.000 eta 2.500 kontsulta artean artatzen ditu urtero
Gurutzetako Ospitaleko Genero Identitatearen Unitateak 2.000 eta 2.500 kontsulta artean artatzen ditu urtero, espezialitate ugarirekin zerikusia dutenak, Alberto Martinez Osasun sailburuak jakinarazi duenez. Trans pertsonak artatzeko egon daitezkeen atzerapenak "berme kliniko, psikologiko eta etiko guztiak" beteta jarduteko beharrari egotzi dizkio sailburuak, "konplexutasun handia" duen prozedura baita.
Eusko Legebiltzarreko kontrolerako osoko bilkuran, Martinezek EH Bilduk egindako galdera bati erantzun dio ostiral honetan, "generoa baieztatzeko operazioen itxaron-zerrendaz" galdetuta.
Ikoitz Arrese legebiltzarkideak salatu duenez, Euskadin "ez dira gai hori arautzen duen legea betetzen ari", izan ere, "trans pertsona batek generoa baieztatzeko operazioa egiteko eskubidea du, eta, gainera, ebakuntza ahalik eta azkarren egiteko eskubidea du".
Erantzunean, sailburuak azaldu du Gurutzetako Ospitaleko Genero Identitatearen Unitateak espezialitate ugarirekin lotutako 2.000 eta 2.500 kontsulta artean artatzen dituela urtero, besteak beste, endokrinologia, kirurgia plastikoa, osasun mentala, ginekologia, urologia eta pediatriarekin elkarlanean.
Martinezen hitzetan, eskaera "gero eta handiagoa" da, eta "konpromiso profesional handia" eskatzen du. Hala, adierazi duenez, sexua berresleitzeko prozesu baterako itxaron-zerrendak "ez dira geldotasunaren ondorio, baizik eta ebakuntza bakoitza berme kliniko, psikologiko eta etiko handienekin egiten dela ziurtatzeko ahaleginaren ondorio".
Sexua berresleitzeko kirurgia "konplexutasun handiko" prozedura dela azpimarratu du sailburuak, tratamendu atzeraezina duena, "jasotzen duenaren osasun fisiko eta psikikoan ondorio nabarmenak izan ditzakeena".
Hori dela eta, "arduragabea eta praxi onaren aurkakoa litzateke prozedura horiek azkartzea, segurtasun klinikoa eta pertsonaren prestakuntza egokia bermatu gabe", ohartarazi du.
Arreta-esparru berria
Sailburuak onartu du "ase gabeko itxaropenak" egon daitezkeela, baina nabarmendu du Osakidetzak gai horri heltzeko moduan egindako aldaketak inplementatzeko "antolakuntzan ahalegin handia" egin behar dela.
Zentzu horretan, trans pertsonak artatzeko osasun gida berri bat lantzen ari direla esan du, osasun sistemako elkarte ordezkatzaile eta profesionalekin elkarlanean.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.