Parkinson gaitzaren 400 kasu diagnostikatzen dira urtero EAEn, eta guztira 8.000 dira
Urtero, parkinson gaitzaren 400 kasu diagnostikatzen dira Euskal Autonomia Erkidegoan, eta guztira 8.000 pertsonak dute, Eusko Jaurlaritzako Osasun Sailak ostiral honetan zabaldutako datuen arabera. Halaber, Gurutzetako Unibertsitate Ospitaleko Mugimenduaren Nahasmenduaren Unitateak (Barakaldo) 400 gaixo baino gehiago artatu ditu 26 urteko ibilbidean.
55 urtetik gora azaldu ohi da gaitza, eta gizonei emakumeei baino zertxobait gehiago eragiten die.
Gaixotasunaren intzidentzia 100.000 biztanleko 8-18 pertsonakoa da EAEn. Adin taldeen araberako prebalentziari dagokionez, % 0,4koa da 65-74 urtekoen artean, % 4,7koa 75-84 urtekoen artean eta % 2,9koa 85 urtekoen eta hortik gorakoen artean. Datu horien arabera, munduko gainerako tokietan bezala, parkinsona bigarren gaixotasun neurodegeneratibo ohikoena da EAEn, alzheimerraren ondoren.
Gaitzaren ezaugarri klinikoak eta prebalentzia ez dira munduko gainerako herrialdeetakoetatik oso desberdinak EAEn, dardarinaren genean (LRRK2) ematen den euskal mutazioa deiturikoaren kasuan izan ezik. Gene hori Gipuzkoako zenbait udalerritan gaitza duten familia kasuen %50ean ager daiteke.
Parkinsona gaixotasun neurodegeneratibo progresiboa da, eta desgaitasuna eragiten du. Horren sintomarik bereizgarrienak dira borondatezko mugimenduen moteltasuna, zurruntasuna, geldialdiko dardara eta deanbulazioaren alterazioa barne hartzen duten motorrak.
Sintoma motorrez gain, oso ohikoak diren beste sintoma batzuk ere eragiten ditu parkinsonak, hala nola idorreria, usaimena galtzea, nekea, hipotentsio ortostatikoa eta beste nahasmendu disautonomiko batzuk, depresioa eta mina. Halaber, pazienteen % 30ek baino gehiagok dementzia garatzen dute.
Gaur, Parkinsonaren Nazioarteko Egunean, Eusko Jaurlaritzako Osasun Sailak eta Osakidetzak gaitzaren tratamenduan "arreta espezializatuagoa emateko eta terapia aurreratuenak eskaintzeko konpromisoa" adierazi dute.
Neurologia, neurokirurgia, neurofisiologia eta neurorradiologiako profesionalek osatzen duten Gurutzetako Unibertsitate Ospitaleko Mugimenduaren Nahasmenduaren Unitatea parkinsonaren eta mugimenduaren beste nahasmendu konplexu batzuen tratamendu kirurgikorako Espainiako Osasun Sistema Nazionalak egiaztatutako zortzi erreferentzia zentroetako bat da.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.