Sei pertsona atxilotuta eta 12 ertzain zaurituta, Athletic-Rangers partidaren ostean
Gazte taldeek, gehienak kaputxadunak, Ertzaintzari aurre egin diote bart; istiluen aurkako materiala erabili dute San Mames kanpoaldean, Athleticen eta Rangersen arteko Europa Ligako partida amaitu ostean.
Eusko Jaurlaritzako Segurtasun Sailak ohar bidez jakinarazi duenez, Ertzaintzak sei pertsona, bost gizon eta emakume bat, atxilotu ditu, desordena publikoak eta agentearen aurkako atentatua egotzita. Atxilo hartutakoek 17-37 urte dituzte, eta gauean zehar aske geratu dira, epailearen aurrera agertu beharko badira ere.
Lehen atxiloketak bi taldeetako jarraitzaileen arteko liskarren ostean egin dituzte agenteek. Hiru gizon dira, bi Erresuma Batukoak eta bestea, euskal herritarra. Hirurei agentearen aurkako atentatua leporatu diete.
Desordena publikoak egitearen delitua egotzita atxilotu dituzte gainerako beste hirurak (bi gizon eta emakume bat).
Ertzaintzako 12 agentek kolpeak jasan dituzte —batek haustura du atzamar batean—, eta osasun-laguntza behar izan dute.
Istiluak hasi dira pertsona-talde handi batek kristalezko botilak eta beste objektu batzuk jaurti dituenean estadioaren ingurua babesten zuen polizia-talde zabalaren aurka eta zelaira sartzeko ate metalikoen aurka.
Ertzaintzak istiluen aurkako materialarekin erantzun du.
Poza Lizentziatuaren kaleko zaborrontziei ere su eman diete, San Mames zelaiguneko sarbidean, eta suhiltzaileek itzali dituzte.
Udalaren balorazioa
Udalak atzo "Bilbon izan zen giro zoragarria" nabarmendu du, eta Ertzaintzak eta Bilboko Udaltzaingoak osatutako dispositiboak eraginkortasunez funtzionatu zuela.
Hala ere, "zalapartari talde txiki bat" jaia zapuzten saiatu zela salatu dute Udaleko iturriek, eta "gure kaleetatik soberan" daudela nabarmendu dute. "Ez dituzte 'Athletic sentimenduaren' balioak eta estiloa ordezkatzen, ezta euskal herritarrena ere", defendatu du.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.