Zumarraga, Beasain eta Ordizia Donostiarekin lotuko dituen Lurraldebuseko linea, astelehen honetan martxan
Lurraldebusek linea berria izango du astelehen honetatik, apirilaren 28tik, aurrera Gipuzkoan, Zumarraga, Beasain eta Ordizia Tolosa eta Donostiarekin batuko dituena. Astelehenetik ostiralera, goizeko seiak eta laurdenetan hasiko da martxan, bi norabideetan.
Linea berri honek gaueko bederatziak eta laurdenak arte egingo ditu bidaiak astelehenetik ostiralera, eta asteburu eta jaiegunetan 120 minutuan behin eskainiko du zerbitzua 08:15 eta 22:15 bitartean.
Ibilbide osoak ordu eta laurdeneko iraupena izango du, eta 1,37 euroko prezioa izango du Mugi txartel pertsonalizatuarekin ordaintzen dutenentzat eta 5,10 eurokoa hobaririk gabeko txartel arruntarekin ordaintzen dutenenetzat. Ibilbide bakoitzeko kostua 1,80 eurokoa izango da Mugi anonimoa duten erabiltzaileentzat.
Autobusa Zumarragako tren geltokitik abiatuko da, eta Beasain eta Ordiziako tren geltokietan (igotzeko bakarrik) eta Tolosako Santa Klara komentuan (jaisteko bakarrik) egingo ditu geldialdiak.
Gipuzkoako hiriburuan, Ibaeta auzotik sartuko da, EHUko Psikologia Fakultatean geldituko da, eta autobus geltokian amaituko du bidaia. Kontrako noranzkoan, geldialdi berberak egingo ditu Donostian, eta Tolosara (Rondilla kalea) iritsiko da gero. Bertan, autobusera igo ahal izango da, baina ez jaitsi.
Ondoren, Ordiziara (Garagartza plaza) eta Beasainera (Zelaeta Berri plaza) joango da, Zumarragako tren geltokian amaitu aurretik.
Azahara Dominguez Mugikortasun, Turismo eta Lurralde Antolaketako diputatuaren arabera, linea berria bere sailaren "apustu estrategikoetako bat" da, eta "goierritarren aldarrikapen historiko bati" erantzuten dio, "Urola Garaiko konexioak hobetzeaz gain".
Zure interesekoa izan daiteke
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberbullyinga gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.