Euria baretuta, goiz lasaia espero da iganderako Euskal Herrian, Nafarroan salbu
Larunbat arratsaldeko euri jasak igarota, iragarpenaren arabera, igande goiza lasaiagoa izango da EAEn eta Ipar Euskal Herrian, nahiz eta Nafarroan prezipitazio mardulak izango diren oraindik.
Orokorrean, hodei gutxi egongo dira zeruan gauerdian, baina egunak aurrera egin ahala okertzera egingo du giroak, eta hodei asko espero dira arratsalderako. Bada, egunaren bigarren zatian, euria egiteko arrisku handia dago berriro, eta ekaitza ere egin lezake.
Tenperatura minimoak, bestalde, beren horretan geratuko dira, eta maximoak zertxobait jaitsiko dira. Haizeak mendebaldetik joko du, eta ipar ukitua hartuko du arratsaldean.
Gasteizek izango ditu eguneko tenperatura hotzenak, 6 gradu ingurukoak, eta Donostiak beroenak, 17-18 gradu ingurukoak, Euskalmeten arabera.
Nafarroan, aldiz, euritsu hasiko dute eguna. Arratsaldean, ostera, atertzera egingo du.
Herri Urratsareko iragapena
Ateri eutsiko dio goizak, lainoak eta argiuneak tartekatuko baitira. Arratsaldean helduko da aldaketa Senperera. Euria botako du, han-hemenka, eta ez dute baztertu ekaitza ere egitea. Haizeak, gainera, norabidea aldatu eta indarra hartuko du.
Tenperaturei dagokienez, 16-17 graduraino igoko dira termometroak.
Larunbateko ekaitzagatik, abisu laranjan egon da Nafarroa 00:00ak arte, eta Araba, Bizkaia eta Gipuzkoa 21:00ak arte. Azken 24 orduetan, 40 litro ur pilatu dira metro koadroko hainbat tokitan.
Nafarroa, blai-blai
Iruñean, 21:00ak aldera, itxita egon da Gaztelugibel kalea, Ezkirotz eta Fuente del Hierro bitartean, euriteen ondorioz galtzadan putzu handiak sortu direlako.
Ekaitzaren ondorioz zuhaitz batzuk erori dira Milagron, eta horrek argi mozketak eragin ditu.
Gainera, ondorengo orduetan Nafarroan adi egoteko eskatu du Ebroko Konfederazio Hidrografikoak, Egatik Ezkaraino doazen ibaiadarretan bereziki.
Kontsulta ezazu eguraldiaren iragarpena eta bidali argazkiak eta bideoak eitb.eus-era.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.