Martxan da 'LGTBI+ Points Sarea', LGTBI+ kolektiboko kideentzako 450 puntu seguruko sarea
Ortzadar LGTB elkarteak, Eusko Jaurlaritzaren laguntzarekin, 'LGTBI+ Points Sarea' jarri du martxan, LGTBI+ kolektiboko kideentzako puntu seguruen lehenengo sarea. EAEko kaleetan 450 puntu seguru dituela jarri da martxan sare hau, eta erakunde politikoak, udalak, garraiobideak, enpresak eta dendak izan dira batzen lehenak.
Sareak "LGBTI+ pertsonentzako ingurune seguruak, errespetuzkoak eta solidarioak" eskaini nahi ditu, arreta berezia jarriz trans pertsonen babesari, Ortzadar elkarteko ordezkariek ostiral honetan egindako agerraldian azaldu dutenez. Nerea Melgosa Eusko Jaurlaritzako Ongizate, Gazteria eta Erronka Demografikoko sailburua ere izan da bertan.
Nagore Espin Ortzadar LGTB elkarteko presidenteak sare honen beharra azpimarratu du: "Gure kaleak eta hiriak seguruak direla uste dugun arren, LGTB kolektiboa da salaketa gehien aurkezten duen bigarren kolektiboa". Espinek berak gogorarazi duenez, hain zuzen ere bihar ospatzen da LGTBIfobiaren kontrako Eguna.
Bestalde, Melgosa sailburuak "Euskadik aniztasunarekin duen konpromiso irmoa" nabarmendu, eta azaldu duenez, puntu seguruen sareak, "babesteaz gain, ikusgarritasuna ematen du eta hezi egiten du. Puntu hauek modu argian seinaleztatuta daude, edozein pertsonak jakin dezan bertan entzun eta errespetatu egingo dutela, eta, batez ere, ez dela bakarrik sentituko".
Sarera atxikitako espazioek bereizgarri sinboliko bat eta eranskailuak jaso dituzte edo jasoko dituzte laster, puntuak erraz identifika daitezen.
Gainera, Ertzaintzarekin adostutako jarraibide argiak jaso dituzte, eraso-egoera baten edo laguntza-eskaera baten aurrean nola jardun jakiteko. Funtsean, halako kasuetan, lasai egotea, biktimaren kontakizuna zalantzan ez jartzea eta haren erabakiak errespetatzea da gomendioa. Gainera, jarraibide praktikoak ematen dira kaltetuei nola lagundu azaltzeko eta, behar izanez gero, senideekin, larrialdi-zerbitzuekin edo erakunde-baliabideekin harremanetan jartzeko.
OrtzadarLGTBren webgunean dago puntuen inguruko informazioa, kontsulta egiten den tokitik gertuen daudenak bilatu ahal izateko, bai eta espazio horien ordutegiak ere. Edozein erakundek, elkartek edo komertziok bat egin dezake sarearekin, bereizgarria lortu eta kolektiboari babesa erakusteko, eta Ortzadar LGTB elkarteko kideek horretarako deia egin diete horretan interesa duten guztiei.
Aratz Castro Ortzadar LGTB elkarteko koordinatzaileak azaldu duenez, sarera atxikitzeko prozesua erraza eta doakoa da. Interesa duten erakundeek oinarrizko printzipio batzuk betetzeko konpromisoa baino ez dute hartu behar: errespetuzko guneak sortzea, trans identitatea eta bereziki trans emakumeena errespetatzea, puntu seguruaren ikusgaitasuna sustatzea eta langileei oinarrizko formakuntza ematea behar izanez gero nola jardun jakiteko. "Konpromisoak sinpleak dira, baina kolektiboarentzat oso erabilgarriak", nabarmendu du Castrok.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.