Bilketa erraldoia egingo dute asteburuan elikagaien defizitari aurre egiteko
Hego Euskal Herriko elikagaien bankuek premiazko deia egin diete herritarrei Udaberriko Bilketan parte hartzeko. Gaur eta bihar egingo da, lurralde osoko supermerkatuetan. Egoera "kezkagarria" da, eta Gipuzkoan, esaterako, biltegia "hutsik" dago, ohartarazi dutenez.
Belen Mendez de Vigo Gipuzkoako Elikagaien Bankuaren presidenteak eta Jose Ignacio Asensio Iraunkortasunerako foru diputatuak esan dute gutxienez 350.000 kilo elikagai bildu behar direla Gipuzkoan soilik, hileroko banaketari udazkenera arte eutsi ahal izateko. Bestela, baliteke 17.000 pertsona baino gehiago laguntzarik gabe geratzea.
"Elikagaien Bankua gizartearena eta gizartearentzat da. Behar denean laguntzeko gaude, eta orain inoiz baino gehiago behar da", adierazi du Mendez de Vigok, eta dohaintza ekonomiko eta elikagai gutxiago jasotzen dutela jakinarazi du. Aurten defizita 450.000 kilora irits liteke, 2024. urtekoarekin alderatuta.
Erakundeak Europako funtsek hornitutako 400.000 kilo elikagai galdu ditu 2022tik, eta galdutakoarekin 6.000 pertsona inguru artatzen zituzten. "Diru-txartelen formula berria ozta-ozta iristen zaie familia horien erdiei", azaldu dute. Gainera, 2025eko lehen lauhilekoko erosketak 70.000 euro murriztu dira aurreko urteko aldi berarekin alderatuta, eta bilketa-kanpainak ere jaitsi egin dira: 2024an 2023an baino % 6 gutxiago, eta 2022an baino % 22 gutxiago.
"Udaberriko bilketa ez da ohiko bilketa. Bilketa garrantzitsuena da. Apalak hutsik daude, baina denon artean keinu txikiekin bete ditzakegu berriro", berretsi du Asensiok.
Supermerkatu-kate gehienetan ere egingo da. Oinarrizko elikagaiak eman ahalko dira (esnea, arroza, pasta, kontserbak, ekilore-olioa eta lekaleak, adibidez) eta produktuak erosteko bonu solidarioak erosi.
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.