Abisu horia arratsaldean Hego Euskal Herrian, zaparrada mardul eta ekaitz arriskuagatik
Maiatzeko azken egunak abisu horia dakar berekin, arratsaldean eurite eta ekaitz arriskua izango baita Hego Euskal Herrian.
Nafarroan ezarriko da aurrena abisu hori, zehazki 15:00etan hasita 23:00ak arte, Nafarroa erdialdean eta Erriberan. Zaparrada mardulak bota ditzake eta orduko 15 litro ere pila litezke zenbait puntutan. Gainera, ez da baztertzen ekaitza lehertzea eta txingorra ere egitea. Haizeak ere abiadura handia harrapatuko du boladaka.
EAEn, Eusko Jaurlaritzako Segurtasun Sailak 18:00etatik gauerdira izango du indarrean abisu horia, arrazoi beragatik. Ordu horretatik aurrera, euri zaparrada mardulak espero dira, eta ekaitza ere lehertu daiteke, bereziki Araban. Euriaz gain, 2-3 zentimetroko kazkabarra ere bota dezake, eta haizeak bolada zakarrak edo oso zakarrak izango ditu, 60-80 kilometro orduko abiadura ere harrapatuko baitu tarteka.
Abisu horia ostiralean ere izan zen indarrean, eta aurreikuspenak bete egin ziren, Hego Euskal Herriko barnealdeko zenbait puntutan ekaitzak gogor jo baitzuen. Gasteizen, esaterako, suhiltzaileek eta Udaltzaingoak galtzak bete lan izan zuten arratsaldean, ekaitzak hiria zeharkatu zuenean, trafiko arazoak sortu baitziren, baita ur putzu handiak ere. Etxabe batzuk urak hartu zituen, estoldek gainezka egin zutelako, eta eroritako zuhaitzak eta adarrak kentzen ere nahikoa lan izan zuten.
Bihar, igandea, lainoak izango dira nagusi eta euria egingo du EAEn. Ez da baztertzen arratsaldean ekaitz giroa sortzea. Giroa aurreko egunetan baino freskoagoa izango da, batez ere erdialdean eta hegoaldean, eta haizeak leun joko du iparraldetik.
Nafarroan ere antzeratsu egongo da zerua. Estalita egongo da goizean zehar, eta arratsaldean, lainoak trinkotzearekin batera, euria egin dezake, baita ekaitza lehertu ere. Tenperatura minimoetan ez da aldaketarik izango, baina beroenak koxka bat beherago geldituko dira, batez ere isurialde atlantikoan. Haizea leun eta aldakor ibiliko da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.