Uda giroa bueltan da, 30 ºC-tik gorako tenperaturekin
Uda giroa bueltan da astebeteko ezegonkortasunaren ostean. Astelehenetik aurrera tenperaturek gora egingo dute, barnealdean batez ere. Asteartea asteko egunik "itogarriena" izango dugu, 30 gradutik gorako tenperaturekin. Hala ere, tenperaturek behera egingo dute asteazkenetik aurrera, eta aste bukaera epela izango dugu.
Astelehena tenperatura igoera nabarmenarekin hasiko da, batez ere barnealdean. Goizean, lainogune eta behe-hodei batzuk izan ditzakegu, baina goizean bertan argituz joango da eta eguzkitsu geratuko da. Arratsaldean, goi-hodei eta bero-hodei batzuk ager daitezke. Haizea ahul ibiliko da, eta ipar-ekialdekoa nagusituko da arratsaldean. Tenperaturak, bai minimoak eta baita maximoak ere, igo egingo dira. Barnealdean bero egingo du, eta 25 ºC-tik gorako tenperaturak harrapatuko dira.
Asteko egunik beroena asteartea izango da; izan ere, tenperaturak are gehiago igoko dira, 30 gradutik gora eginez. Nafarroako barnealdean izango dira tenperatura altuenak, eta Tuteran 36 graduko maximoak izan litezke. Kostaldean, aldiz, hego-haizeak eguna freskatuko du. Hala ere, zerua ez da guztiz garbi egongo; hodeitza aldakorra izango da, arratsaldean bero-hodei batzuk agertuko dira, eta hauts-gandua ere sar daiteke. Iluntzean, baliteke ekaitza izatea, batez ere barnealdean. Hegoaldeko haizea ibiliko da, eta kostaldean brisa sartuko da arratsaldean. Beraz, tenperatura maximoak barnealdean 30 ºC-tik gora kokatuko dira; kostaldean, brisa dela eta, apur bat baxuagoak izango dira.
Aitzitik, egoera aldatu egingo da asteazkenetik aurrera, tenperaturak nabarmen jaitsiko baitira; 30 gradutik behera egongo dira. Gainera, zaparradak ere izango ditugu iluntze aldera.
Horrenbestez, aste bukaera epela izango da, baina ez lehen egunetan bezain beroa.
Zure interesekoa izan daiteke
Joko areto baten kontra protesta egiteagatik auzipetutako Sopelako lau gazteen kontrako epaiketa atzeratu dute, datarik gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.