Zer da ezkabia eta nola tratatzen da? Larruazaleko infekzio hori ulertzeko hainbat gako, hemen
Ezkabia tratatzeko antifungiko topikoak erabiltzen dira, baina kasu larrietan eta buru-larruazala edo azazkalak hartu dituenean, botikak hartu behar izaten dira zenbait astez edo hilabetez, farmaziako adituek EITB Mediari azaldu diotenez.
Basauriko Urbi Institutuan DBHko 4. mailako ikasleen artean hiru ezkabia kasu daudela baieztatu da, eta orain larruazaleko gaitz horri buruzko zalantzak zabaldu dira. Eusko Jaurlaritzako Osasun Sailaren arabera, aldian-aldian izaten dira infekzio horren agerraldiak.
Ezkabiak ondoeza eragin dezake eta oso kutsakorra da, baina tratamendua eraginkorra da erabat, eta azkar sendatzen da jarraibide egokiak betez gero. Eskola-eremuan zabaltzen ez dela zaintzea, goiz detektatzea eta familien lankidetza funtsezkoak dira balizko agerraldiak kontrolatzeko.
Baina, zer da ezkabia? Zeintzuk dira sintomak? Nola tratatzen da? Eta, nola prebenitzen da?
Larruazalean dermatofitoek eragiten duten infekzio fungikoa da. Dermatofitoek keratinaz (larruazalean, ilean eta azazkaletan dagoen proteina bat) elikatzen den onddo mota bat osatzen dute. Izena gorabehera, lesioek forma zirkularra dute eta gorputzeko hainbat alderdi har ditzakete:
- Buru-larruazala (tinea capitis)
- Gorputzeko azala (tinea corporis)
- Oinak (tina pedis edo atleta-oina)
- Izterrondoa (tinea cruris)
Sendagaiak eta prebentzioa
Farmaziako adituek EITB Mediari azaldu diotenez, ohiko sendabidea da topiko antifungikoak ematea (kremak edo lozioak). Hala ere, buruko larruazala hartzen duenean, gela erabili behar izaten da. Kasu akutuetan, onddoen aurkako botikak ahotikak hartu behar izaten da.
Tratamenduaren iraupenari dagokionez, iturri horrexeren arabera, gaitzak hartutako gunearen eta infekzioaren larritasunaren araberakoa da, baina, oro har, hau da: 2-4 aste antifungiko topikoekin (kremak, lozioak eta gelak), larruazaleko kasuetarako (gorputza, izterrondoa, oinak); 4-8 aste buru-larruazaleko ezkabia kasuetan, normalean botikak ahotik hartzen dira (antifungikoak, hala nola griseofulbina eta terbinafina), kremak ez baitira ondo xurgatzen ile-folikuluetatik. Azazkaletako ezkabiak, berriz, hainbat hilabete behar ditu sendatzeko (3-6 hilabete edo gehiago) eta ia beti ahoko antifungikoak hartu behar izaten dira, azazkalak berriro atera arte ez baita sendatzen.
Zeintzuk dira sintomak?
Ezkabia azaleratzen denean, gune gorrixkak dituen erupzio zirkular gisa agertu ohi da, ertzak handituta ageri ohi dira, eta erdialdea argiagoa izaten da. Azkura, ezkatatzea eta, kasu batzuetan, kaltetutako eremuan ilea erortzea eragin dezake. Kutsakorra da, oso, eta kutsatutako pertsona batekin, animaliekin (katuak eta txakurrak, adibidez) edo kutsatutako gainazalekin (toallak, arropa eta dutxa publikoak) kontaktu zuzena izanez gero heda daiteke.
Kutsatzea saihesteko, honako hau gomendatzen dute: norberaren gauzak ez partekatzea (orraziak, txanoak, eskuoihalak), oheko arropa eta arropa kutsatuak ondo garbitzea eta higiene ona eta azala lehor edukitzea. Horrez gain, sintomak agertuz gero medikuarengana jotzea gomendatzen da.
Gizarteari buruzko albiste gehiago
Dozenaka lagun batu dira Maulen, Donapaleun eta Baionan, EHEk deitutako elkarretaratzeetan
Euskara lehenesteko eta bigarren mailako hizkuntza gisa tratatzeari uzteko eskatu diete erkaunde sozial, kultural, ekonomiko eta politikoei, hizkuntza politikan euskararen aldeko jauzia egiteko.
Gazte talde batek bi ertzain arin zauritu ditu Azpeitian
Ertzaintzak diligentziak ireki ditu, eta auzia agintaritza judizialera eramango da.
LEAk sutearen osteko babesa eskertu du eta bideo hunkigarri batekin berretsi du enpresaren jarraipena
Enpresak iragarri du irailaren amaieran hasiko dela berriro ekoizten, Gamarrako industrialdean dagoen 13.000 m²-ko behin-behineko nabe batean.
Samaniegon desagertutako 70 urteko gizonaren bilaketari ekin diote berriro
Arabako Errioxako landa-eremuan bilatzen ari dira gizona. Desagertuak praka beixak eta niki urdin argi bat zeramatzan jantzita azken aldiz ikusi zutenean.
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.