Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Gasteizko osasun-zentro bat. Artxiboko irudia: EITB
Osakidetzak asteazken honetan jakinarazi du udako hilabeteetan lehen arretako osasun-zentro batzuk itxi eta ordutegiak murriztuko dituela. Neurria osasun zentroen % 37tan aplikatuko da. Sindikatuek kritikatu egin dute.
Udako plangintza iragarri du osasun zerbitzuak, eta jakinarazi ahalik eta ordutegi-egokitzapen eta baliabide-itxiera gutxien egiten saiatu dela. Horrekin batera, berrikuntza gisa, lehen arretako osasun-zentroen ordutegiei buruzko informazioa eguneratua emango du egunero bere webgunean.
Ordutegi egokitzapen horiek ekainean hasi dira zentro batzuetan, eta irailera arte luzatuko dira. Kasu gehienetan, aldaketa nagusia da arreta-ordutegia 08:00-17:00 izango dela, 20:00ak arte izan beharrean.
Horrez gainera, osasun-egoitza batzuk puntualki itxiko dituzte, egun solteetan. Oro har, asteko egunen batean ordu batzuk irekitzen dituzten kontsultategi txikiei eragingo die itxierak.
Irekiera-ordutegitik kanpo, Osakidetzak gogorarazi du osasun-arreta bermatuta egongo dela Etengabeko Arretako Guneetan (EAG) eta larrialdi zerbitzuetan.
Osasun Sailak egokitzapen horiek justifikatu ditu, udan “arnas-gaixotasunen presentzia murrizten” delako eta, “ondorioz, asistentzia-eskari txikiagoa izan ohi” delako.
Sindikatuek kritikatu egin dute aldaketa
Udako plangintzaren berri izan ostean, ELA sindikatuak salatu du lehen mailako arretako "murrizketa zuzen" horiek agerian uzten dutela Osakidetzako egiturazko arazoek “bere horretan jarraitzen” dutela. Sindikatuek salatu dute ez dela “neurri egokirik” hartu, eta Osasun Sailak Osakidetzako “hobekuntzei buruzko propaganda” egin duela.
Horrekin batera, gogorarazi du gaur egun behin-behineko langileen tasa % 58koa dela eta 27.000 laguni eragiten diela. Sindikatuaren esanetan, Osakidetzak, guztira, 1.641 plaza ditu bete gabe, horietatik 161 erizaintzako langileei dagozkie eta 418 espezialitatetako medikuntzako plazei.
CCOOk, bestalde, herritarrei zuzenean eragiten dieten neurri "argi eta garbi atzerakoiak" gaitzetsi ditu, eta Osasun Sailari eskatu dio negoziazio-prozesu bat ireki dezala benetako konponbideei ekiteko, profesionalak erakartzeko eta fidelizatzeko, asistentzia-estaldura bermatzeko eta lehen mailako arreta indartzeko.
Gizarteari buruzko albiste gehiago
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.