Indarrean da prezipitazioengatik EAEn ezarritako abisu horia
13:00etik 19:00etara egongo da indarrean. Atzo iluntzeko ekaitzak kalte ugari eragin zituen.
Donostian goizean hartutako irudia. Argazkia: EFE
Eusko Jaurlaritzako Segurtasun Sailak gaur ere abisu horia ezarri du prezipitazio handiengatik. Hainbat lekutan ordubetean 15 litro baino gehiago botatzea aurreikusten da. 13:00etatik 19:00etara egongo da indarrean abisua.
Euskalmet euskal metereologia agentziaren arabera, 13:00etatik aurrera, bero-hodeiak garatuko dira berriro eta litekeena da arratsaldean trumoi-zaparradak botatzea, bereziki Kantauri isurialdean.
Zenbait lekutan txingorra ere bota dezake, eta haize ufada gogorrak ere espero dira, orduko 60-90 kilometrorainokoak.
Uholdeak eta kalteak, Bizkaian
Atzo, ekaitz handi batek Euskal Autonomia Erkidegoa goitik behera zeharkatu, eta gorabehera handiak utzi zituen, batez ere, Bizkaiko hainbat udalerritan. Uholdeak izan ziren, eta azpiegituretan kalteak ere bai: hainbat jaitako ekitaldiak bertan behera utzi behar izan zituzten.
Gizarteari buruzko albiste gehiago
86 urteko gizon baten hilotza aurkitu dute Zumaiako itsasadarrean
Gorpua Donostiako Auzitegiko Medikuntzako Euskal Erakundera eraman dute autopsia egiteko.
Emakume bat hil da A-12 errepidean, Torres del Rion
Emakumearen ibilgailua bide bazterrean zegoen, eta kamioiak talka egin du haren aurka.
40 urteko gizon bat atxilotu dute Gasteizen, adingabe baten aurrean genitalak erakusteagatik
Bikote baten eta adingabe baten aurrean "bere alderdi intimoak erakusteagatik eta astintzeagatik" eta iruzkin lizunak egiteagatik atxilotu zuten.
EAEko berrogeita hamar suhiltzaile baino gehiago Gaztela eta Leonera joan dira, baso-suteak kontrolatzen laguntzeko
Zehazki, Gaztela eta Leongo Juntak Eusko Jaurlaritzari laguntza eskatu ondoren hartu da neurria. Hala, bat egin dute suteak itzaltzen laguntzeko berriki bidalitako helikopteroarekin.
Etxeko espetxealdia agindu dute Zizur Nagusian ustez emaztea hil zuen 85 urteko gizonarentzat
Auzitegiak ez du ihes-arriskurik ikusten, ezta frogak deuseztatzekoa ere, eta gainera ezagutza funtzioak kaltetuta dituela ebatzi du. Pultsera telematikoa jantzi beharko du, eta seme-alabek erabakiko dute zein etxetan biziko den.
Ia bi kilometroko auto-ilarak Txorierrin, Sondikatik Gurutzetara bidean, istripu baten ondorioz
Bestalde, A-15ean normaltasunera itzuli da zirkulazioa Hernanin. Aian, bi autok talka egin dute Zarautzerako noranzkoan, eta auto-ilarak daude. Zizurren, berriz, bost pertsona zauritu dira, tartean bi adingabe, goizaldean izandako istripu batean.
Faltzesko piloiko bigarren entzierroa, azkarra eta zirraragarria
Jose Maria Goñiren ganadutegia izan da protagonista Faltzesko bigarren entzierro honetan. Goizeko 09:00etan suizidia jotzearekin bat eman zaio hasiera etzierroari. Azkarra izan da, eta zauritu bat utzi du, anbulantzian ospitalera eraman dutena.
Juan Mari Aburto: "Txurdinagako eszenatokia prest zegoen eta Abandoibarrakoa ez, eta ez dut ikusten arrazoirik"
Bilboko alkatearen arabera, kontratatutako enpresak ez zuen bere lana bete, "denbora oso txarto kudeatu zuen", eta, ondorioz, lehen eguneko kontzertuak (Kai Nakai, Olatz Salvador eta Maren) bertan behera gelditu ziren Abandoibarran. Arazoak konponduta, igandeko kontzertuak normaltasunez eskaini ahal izan zituzten.
Hamaika lagun atxilotu dituzte igandean Bilboko Aste Nagusian, horietako bi indarkeria matxistagatik
Delitu gehienak San Nikolas inguruan eta Zazpikaleetan gertatu dira, eta lapurretekin eta desobedientziarekin lotuta zeuden.
Adineko gizon bat hil da Agurainen, tren batek harrapatuta
Ezbeharra igande arratsaleko lehen orduan gertatu zen eta Ertzaintzak ikerketa abiatu du gertakariaren arrazoiak argitzeko.