Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
Arabako Auzitegia.
Gasteizko gizon bat epaitu dute asteazken honetan Arabako Auzitegian, emaztea ohia eta bi alaba adingabeak bortxatzea egotzita. Fiskaltzak 37 urteko espetxe-zigorra eskatu du akusatuarentzat; defentsak, ordea, absoluzioa.
Bikote-harremana 2005ean hasi zen eta, ondoren, bi alaba izan zituzten. Oraindik ere adin txikikoak dira.
Asteazken honetako saioan, emakumeak eta bi alabek ateak itxita deklaratu dute. Fiskaltzak azpimarratu du testigantza "koherenteak" izan direla eta gauza bera esan dutela salaketaren unean, instrukzio-epaitegian, artatu zituzten gizarte-langileen aurrean eta gaurko deklarazioan.
Bestetik, lekukotza eman duten lau perituek –gizarte-langile bat, psikologo bat eta bi forense– azaldu dutenez, familiaren egoera bateragarria zen genero-indarkeriarekin. Haien hitzetan, akusatuak erabakiak hartu eta emakumea etengabe degradatzen zuen, hori zen haren rola.
Emakumea "min ematen diona ukatzen duen pertsona hauskor" gisa definitu dute perituek. Halaber, deklaratu dute nesken "abusuak normalizatu" zituztela, "alaba onak izateko aitak esandakoa egin behar zutela" sinestarazi zielako. Profesionalen arabera, neskatoek ez zituzten gertakariak sexu-eraso gisa identifikatu nerabezarora iritsi arte.
Akusatuak, ordea, ukatu egin du leporatzen dioten guztia. Esan du ez zuela inoiz ez emakumea baimendu gabeko harremanak izatera behartu, eta alabei sekula ez diela sexu-erasoak egin. Soilik onartu du indarkeria une batzuk izan zirela etxean, haserretzen zenean. Irainak eta eztabaidak aipatu ditu.
Defentsak absoluzioa eskatu du. Haren iritzian, ez da leporatutako gertakari bat bera ere frogatu. Argudiatu du gizonezkoaren aurkako salaketa dibortzioa eskatu ostean iritsi zela, eta gogorarazi du ez ziotela akusatuari behin-behineko espetxealdirik ezarri, "kriminalitate zantzurik ez zegoelako".
Fiskaltzaren ustez, ordea, hainbat delitu egin ditu gizonak: genero-indarkeriaren eremuan, emakumearen aurkako abusu jarraituaren delitua eta 10 urteko espetxe-zigorra eskatzen du horregatik; 13 urtetik beherakoei egindako abusuen 2 delitu, ahaidetasun-astungarriarekin, eta 12 urteko espetxe-zigorra eskatu du, alabako; tratu txarren delitua ere bai, eta 3 urteko zigorra eskatu du.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.