300 milioi pertsonak baino gehiagok kontsumitzen dituzte drogak munduan, helduen % 6k
2025eko Drogei buruzko Munduko Txostenak ohartarazi du kalamua dela gehien kontsumitzen den substantzia (% 77), eta horren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Pertsona bat drogak kontsumitzen, Pakistanen. Argazkia: EFE
NBEk Drogei buruzko Munduko Txostena argitaratu du, eta, horren arabera, 316 milioi pertsonak baino gehiagok, hau da, munduko biztanle helduen (15-65 urte) % 6k, drogaren bat kontsumitu zuten 2023an. 2013an, ehunekoa % 5,2koa zen. Hortaz, agerikoa da goranzko joera.
Kalamua da gehien kontsumitzen den substantzia, 244 milioi lagunek kontsumitzen dute (% 77), eta haren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi). Droga sintetikoak zabal-zabal dabiltza eta asko areagotu da horien kontsumoa azken hamarkadan, neurri batean digitalizazioak eta Internet bidezko salmentak bultzatuta.
Nazio Batuen Erakundeak ohartarazi du gero eta gazteago hasten dela kontsumitzen, eta legez kanpoko merkatuak dibertsifikatu egin direla. Horrez gain, kontsumoak eragindako nahasmendu larriak dituzten pertsonen kopuruak gora egin du: 2022an mendekotasuna, kalte fisikoa edo psikologikoa edo premiazko tratamendua behar zuten 63 milioi lagunek. Kontsumoa herrialdeen araberakoa bada ere, NBEk ohartarazi du argia dela joera globala zein den: pertsona gehiagok jotzen dute drogetara, gero eta gazteago jo ere.
Txostenak opioideen krisia azpimarratzen du, bereziki Estatu Batuetan. 2023an, fentaniloak 100.000 heriotza baino gehiago eragin zituen AEBn. Hego Amerikan, gaur egun, osasun publikoko arazoa da kokainaren edo crack izeneko oinarrizko pastaren kontsumoa, eta larrialdia eragin du hirigune pobreetan.
Beste herrialde batzuetan, hala nola Ekialdeko Europan eta Asiako hego-ekialdean, heroina eta metanfetamina dira drogen arazoaren eragile nagusi, eta Mendebaldeko Afrikan, berriz, tramadolaren erabilerak gora egin du; opioidea da, hasiera batean erabilera medikorako erabiltzen zena.
Arazoaren larritasuna gorabehera, osasun-zerbitzuen erantzunak mugak ditu: nahasmendu larriak dituzten bost kontsumitzailetik batek bakarrik jasotzen du tratamendua.
Zure interesekoa izan daiteke
Zedarriak Foroak etxebizitzarako euskal bizitegi-kontratu bat eta bizi arteko gozamena duen arrisku-kapitaleko funts bat proposatu ditu
Foroak uste du 7.000 milioira arteko inbertsio publiko-pribatua beharko dela etxebizitza-arazoari aurre egiteko eta 5 urtean 10.000 etxebizitza mobilizatzeko.
Gazteen % 75ek sare sozialen bidez jasotzen dute informazioa, eta % 13k soilik identifikatzen dituzte albiste faltsuak
Gazteen % 20a baino gehiago eduki ideologikoen eta eztabaidagarrien eraginpean jartzen dira egunero. Hala ere, "berdintasunaren, demokraziaren edo immigrazioaren alde jarraitzen dute" ikerketaren arabera.
Gure Eskuk “HERRITU” aurkeztu du, Euskal Herriaren erabakitzeko eskubidearen alde agertzeko
Gure Eskuk “HERRITU” ekimena aurkeztu du gaur, euskal komunitatea sendotzeko eta zutabeak indartzeko helburua duen tresna gisa. Euskarri modura txartel fisiko edo birtuala izango du. Harpidetza egiten duenak Euskal Herria 7 herrialdek osatutako nazio bat dela, eta euskararen eta erabakitzeko eskubidearen aldeko atxikimendua adieraziko du. Durangoko azokan jarriko da martxan eta asmoa herriz herri zabaltzea da, 10 euroko harpidetzaren truke.
Etxerik gabeko pertsonen kopurua bikoiztu egin da EAEn, eta 1.500 baino gehiago ziren 2024an
Argitan, Atxurigorri, AZET edo Berri-otxoak bezalako eragile sozialek manifestazioa egin dute gaur Bilboko Udalaren aurrean kartoi artean lurrean etzanda, "etxebizitza duina" izatea eragozten duen administrazioen etxebizitza-politika gaitzesteko.
Osakidetzak anbulatorioetan psikologoak kontratatzeko prozesua ireki du
Profesional horien bidez, Euskal Osasun Zerbitzuko anbulatorioetan insomnioa, antsietatea, depresio arina edo antzeko nahasmendu eta ondoezei hobeto erantzutea da helburua. Kontratatuko diren psikologoak Lehen Mailako Arretan erreferenteak izango dira, eta bitartekari lanak egingo dituzte pazientearen eta familiako medikuaren eta, kasu konplexuagoetan, ospitalez kanpoko osasun mentaleko zentroetan ematen den arreta espezializatuaren artean.
![VITORIA, 17/11/2025.- El juzgado de lo Penal número 1 de Vitoria inicia este lunes el juicio contra 21 antiabortistas acusados de coacciones por realizar concentraciones frente a una clínica en la que se realizan abortos en Vitoria. EFE / L. Rico [POOL]](https://s7g10.scene7.com/is/image/eitb/juicios-askabide-efe?fmt=webp-alpha&qlt=80)
Akusatuek ukatu egin dute inor presionatu izana, eta Askabideren aurrean isilean otoitz egin zutela ziurtatu dute
Gehienek adierazi dute ez zirela inorengana hurbildu, otoitzak isilean izan zirela, eta poliziak ez ziela inoiz alde egiteko eskatu. Argumentu horiek errepikatu dira gaur Askabide klinikaren aurrean egindako kontzentrazioengatik epaitzen ari direnek emandako bertsioetan.
Jaliscoko Kartelaren Espainiako 'bulegoa' desegin dute, adar operatiboa bat Bilbon zuena
Polizia Nazionalak 20 pertsona atxilotu ditu nazioarteko makrooperazio batean. 1.870 kilo kokaina atzeman ditu, eta Espainiako Jalisco Nueva Generacion kartelaren egitura desegin du.
Bi gizon atxilotu eta droga saltzeko gune bat desegin dute Barañainen
Azaroaren 12an egindako polizia-operazioan, 35 eta 41 urteko bi gizonezko atxilotu zituzten, droga-trafikoko delitu baten ustezko egile gisa. Auzokideen salaketen ondorioz hainbat zaintza, jarraipen eta egiaztapen-lan egin ondoren jarri zen martxan polizia-operazioa.
Zabaldu dute N-1 errepidea Legorretan, Irungo noranzkoan, bi ibilgailuren arteko istripuagatik itxita egon ondoren
Goizeko lehen orduan kamioi batek eta furgoneta batek istripua izan dute, eta furgonetako gidaria Tolosako Asuncion klinikara eraman dute, zaurituta. Errepidea zabaldu arren, 09:30ean oraindik auto ilarak zeuden.
Askabideren aurrean egindako kontzentrazioengatik auzipetuek gaur deklaratuko dute Gasteizen
21 akusatuek deklaratuko dute gaur, atzo lekukoek klinikaren aurrean presio "etengabea" egiten zutela esan ostean. Fiskaltzak dio hertsapenak egon zirela.