Trailer gidari bat atxilotu dute, mozkor egonda Bilboko portuan ontziratzen saiatzeagatik
Aire litro bakoitzeko 1,19 miligramo alkohol bota ditu emakumeak, bide-segurtasunaren aurkako delitutzat jotzeko legeak ezartzen duen mugaren (0,60 mg/l) ia bikoitza.
Polizia Nazionalak emakume britaniar bat atxilotu du Bilboko portuan, Rosslarera (Irlanda) zihoan ferry batean hainbat tonatako trailer bat mozkor-mozkor eginda ontziratzen saiatzeagatik.
Atzerritarren eta Mugen Brigadako agenteek gidariak alkoholaren eraginpean egotearen sintomak atzeman dituzte: nahastuta zegoen, itxura narratsarekin eta ez zeraman oinetakorik. Hori guztia ikusita, agenteek trailerra geldiaraztea erabaki dute, badaezpadako neurri gisa.
Handik gutxira, Ertzaintzaren patruila baten laguntza eskatu dute, alkoholemia proba egiteko. Itxaroten ari ziren bitartean, eta agenteek geldi egoteko abisatu dioten arren, emakumea kamioira igo eta motorra martxan jartzen saiatu da. Hala ere, Poliziak esku hartu eta maniobrarekin jarraitzea eragotzi dio.
Emakumeak botatako aire litro bakoitzeko 1,19 miligramo alkohol eman ditu, bide-segurtasunaren aurkako delitutzat jotzeko legeak ezartzen duen mugaren (0,60 mg/l) ia bikoitza. Barkamena eskatu ondoren, atxilotu eta epailearen esku utzi dute agenteek.
Polizia Nazionalak azpimarratu du agenteen jardunak gertakari larria izan zitekeena ekidin duela; izan ere, halako tamainako ibilgailu bat mozkor gidatzea arrisku handia da bai ontziratzeko gunean, baita ferry barruan ere.
Gizarteari buruzko albiste gehiago
Euskal errepideak prest, ostiralean hasiko den udako lehen irteera operazioari ekiteko
Eusko Jaurlaritzak aurreikusita du nazioarteko trafikoa —iparraldetik sartu eta Euskal Herria zeharkatzen duena— % 3,8 haztea; barne-trafikoari begira, berriz, hazkunde-datua % 3koa da.
Isuria izan da Sopelako Arriatera-Atxabiribil hondartzan
Salbamendu- eta sorospen-zerbitzuek El Peñón tabernaren inguruan kaltetutako eremua balizatu dute. Gainera, establezimenduaren jabeari bertako saneamendu sistemaren berrikuspenari buruzko dokumentazioa eskatu diote.
Droga-trafikoan ziharduen sare bat desegin dute Iruñean, eta 18 pertsona atxilotu dituzte
Poliziaren arabera, San Fermin jaietarako egun gutxiren faltan, droga saltzeko 10 salmenta-gune desegitea lortu dute, Iruñea, Barañain, Orkoien, Antsoain eta Jakan. 18 atxilotuei droga-trafiko delitua eta erakunde kriminaleko kide izatea egozten dizkiete.
300 milioi pertsonak baino gehiagok kontsumitzen dituzte drogak munduan, helduen % 6k
2025eko Drogei buruzko Munduko Txostenak ohartarazi du kalamua dela gehien kontsumitzen den substantzia (% 77), eta horren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Orain.eus-en aurkezpena: "Albisteak kontsumitzeko modu berriei erantzutea dagokigu"
Gaur aurkeztu da Orain.eus, EITBren plataforma digital berria. Informazioarekin eta gaurkotasunarekin zerikusia duten eduki guztiak bertan jasoko dira. Batez ere 40 urtetik beherakoen informazioa kontsumitzeko modu berrietara egokitutako euskarri jaioberria da.
Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
EHUk gidatutako ikerketa batek gaixotasun larriak detektatzeko 'ehunka' markatzaile identifikatu ditu, listuaren bidez
Ikerketa honek "diagnostiko goiztiarrerako eta doitasunezko medikuntzarako tresna indartsu eta ez-inbaditzaile" bat garatzea ahalbidetu lezake, eta kasu askotan odol-analisiak ordezkatu. "Listua fluido biologiko eskuraerrazenetariko bat da, baina oso gutxi erabiltzen da praktika klinikoan, oraingoz", adierazi du Jose Ramon Bilbao EHUko Genetika Medikoko irakasle eta azterlanaren egile nagusiak.
30 aeroponia-dorre jarri dituzte Biarrizko Aguilera klinikako aparkalekuan
Aeroponia landareak hazteko sistema bat da, aireko edo lainozko ingurune batean ereinda, lurzorurik erabili gabe. Biarritzen baratze bertikal horietako bat eraiki dute, Aguilera klinikako aparkalekuaren erdian, ospitaleko langileei on egiteko. Instalatutako 30 dorreek urtean tona eta erdi barazki ekoizten dituzte. Ekimenaren bultzatzaileek adierazi dutenez, beste laborantza mota batzuk baino sistema eraginkorragoa da.