Ortzadarrak nagusi dira jada Euskal Herriko kaleetan LGTBI Harrotasunaren egunean
Egun osoan zehar martxak eta ekitaldi ugari izango dira hiriburu eta herri askotan, LGTBI pertsonen eskubideak aldarrikatzeko. Bilbon, martxa nagusia 12:00etan abiatu da Casillatik. Gasteizen, Donostian eta Iruñean arratsaldean izango dira manifestazioak.
Bilboko martxaren pankartetako bat, gaur. Argazkia: EITB.
Larunbat honetan, LGTBI+ Harrotasunaren Nazioarteko Eguna ospatuko da hainbat hiritan egingo diren sentsibilizazio ekintza eta manifestazioekin.
Euskal Herriari dagokionez, Bilbokoak izan dira goiztiarrenak. Martxa nagusia, E28 Koordinadorak LGTBIQA+ kolektiboekin (Ehgam kasu) antolatutakoa, 12:00etan abiatu da Casillatik.
Ortzadarraren koloreak dira nagusi Bilboko kaleetan, eta horiekin batera, nola ez, aldarriak. Izan ere, "oraindik ere borrokan jarraitu beharra" dagoela azpimarratu dute, berdintasunaren bidean lortutakoak arriskuan daudela ohartaraztearekin batera, mundu osoan bezala Euskal Herrian ere ideia faxistak indartzen ari direlako, nabarmendu dutenez.
Martxaz gain, hainbat kultur ekitaldi eta jai egingo dira egunean zehar, aniztasun afektibo-sexualaren eta genero-identitatearen aldeko errebindikazio gisa, diskriminazioaren aurrean zero tolerantzia sustatzeko helburuarekin.
Bilboko Udalak ere bat egin du aldarriekin, "sentsibilizazio-kanpainak babesten ditu eta berdintasun erreala sustatzen du, aurreiritzirik gabe, pertsona guztiek beren nortasuna eta afektuak adierazteko aukera izan dezaten".
Donostian, martxa nagusia 18:30ean hasiko da, milaka pertsona Boulevardetik abiatzen direnean. Testuinguru horretan, Udalak adierazpen instituzional bat onartu du berdintasun osoa, duintasuna eta sexu- eta/edo genero-identitatea aske garatzeko eskubidearen alde.
Gainera, 20:00etan, Ballroom kulturaren erakusketa bat izango da Boulevardean, Vogue dantza erakustaldiarekin. Ekitaldia Giza Eskubideen Sailak eta Gazteriak antolatu dute, eta Iruñeko Kiki House of Anunnaki kultur taldearen eta Ballroom Donostia berritzaileko kideen emanaldiak izango dira.
Aurtengo ekimenen artean, LGTBI+ bandera bat margotu dute Peña y Goñi kalearen eta Colon pasealekuaren artean, Gros auzoan, eta Vogue dantza bat izango da Boulevardean.
Gasteizen, hainbat jarduera antolatu dituzte arratsalderako, LGTBI kolektiboaren eskubideen aldeko borroka agerian uzteko asmoz. Gainera, ospakizun horrekin bat eginez, LGTBI+ banderaren koloreekin apaindu dituzte udaletxeko fatxada, Floridako kioskoa, Los Arquillos eta Antso Jakitunaren kaleko pergola.
Ospakizunaren helburua da herritarrei gogoraraztea beharrezkoa dela LGTBI pertsonen bizitzak eta eskubideak babestuko dituzten lege-esparruak egotea.
Era berean, Iruñean, LGTBIQA+ taldeek (Ehgam, tartean) martxa bat egingo dute 19:00etan Baluartetik abiatuta.
Gizarteari buruzko albiste gehiago
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.
"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
46 urteko barañaindar bat hil da Puiun, auto batek eta kamioi batek aurrez aurre talka eginda
58 urteko kamioilaria, berriz, onik atera da. Kamioia errepidetik atera eta irauli egin da.