Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gaurtik, uztailaren 1etik aurrera, erretzea debekatuta dago Frantziako, eta, beraz, Ipar Euskal Herriko hondartzetan, parkeetan eta adin txikikoek hartzen dituzten beste gune publiko batzuetan. Aipatutakoez gain, eskola inguruetan, autobus geltokietan eta kiroldegietan ere ezarri da debekuak. Hala ere, neurria ez da ezarri tabernetako terrazetan, eta ez die bapeagailuei eragingo. Espainiako tabakoaren aurkako legeak hori jasotzen du.
Hasieran ez da zigorrik izango, baina, gero, isunak 135 eurokoak izan daitezke. Marion Catellin, Tabakoaren Aurkako Aliantzaren zuzendariak, hau dio: “Helburua kerik gabeko belaunaldi bat lortzea da, tabakoa gure gizartetik pixkanaka desagerraraztea”.
Debekuaren helburua haurrak babestea da, eta herritarren % 70en babesa du. Badaude kanpoan erretzea galarazten duen neurria kritikatzen dutenak ere; hala ere, adituek gogorarazi dute tabakismo pasiboak milioi bat heriotza eragiten dituela urtero munduan.
Ez da Frantziak tabakoaren aurka hartutako lehen neurria. Tartean daude ere paketatze neutroa eta zergak igotzea, eta horrek % 12 murriztu zuen salmenta legalen kopurua 2024an. Hala ere, lau heldutik batek egunero erretzen jarraitzen du, eta Frantziak jarraitzen du izaten Europan legez kanpoko zigarroen kontsumoaren liderra.
Elkarteek haratago joateko eskatzen dute: 2014tik aurrera jaiotakoei tabakoaren salmenta debekatzea eta zergak igotzea galdegin dute, tabakismoaren eragin ekonomikoa murrizteko. Catellinek azaldu duenez, tabakismoa “Frantziako gizarteari 156.000 milioi euro kostatzen zaio, urtero, 2.300 euro biztanleko”.
Zure interesekoa izan daiteke
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.