Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Hernaniko Udalak ostegun honetan azaldu duenez, herriko San Joan jaietan zortzi gertakari arrazista eta eraso sexista bat behintzan izan direla egiaztatu ahal izan dute.
Hernaniko Udaleko Jai Batzordeak Udalaren webgunean eman du San Joan jaien balantzearen berri eta bertan eman ditu datuok.
Gertakaririk larrienak ekainaren 24ko goizaldean gertatu ziren. Orduan, Ertzaintzak hainbat aldiz esku hartu behar izan zuen, hainbat pertsonak gizon bati eraso egin nahi ziotelako. Azkenean, Udaltzaingoak udaletxean sartu behar izan zuen gizona, babestu ahal izateko.
Esku-hartze horietan istiluak izan ziren, eta 17 urteko gazte bat atxilotu zuten desordena publikoen delitu bat egotzita.
Ondoren, Herritarron Harrera Sareak azaldu zuenez, gertakaria "Hernaniko gazte talde baten eta jatorri magrebtarreko gazteen arteko liskar batekin hasi zen. Azken horietako bat zauritu egin zen, eta salaketa jarri zuen".
Kolektibo horren arabera, gertaera hori "erabili zen" ondoren "kaleetan benetako mairu-ehiza bat egiteko, jatorrizko gertakariarekin inolako loturarik ez zuten gazte magrebtarren aurka".
Hernaniko Udalak salatu duenez, ekainaren 23ko gauean sei istilu izan ziren, eta seiretan "magrebtar jatorriko pertsonak izan ziren jomuga". Gau horretako gertakariez gain, beste biren berri ere izan du, "zaurituak tarteko" eta eraso sexista baten berri ere izan du.
Sanjoanak amaitu ondoren, Hernaniko Udalak eskerrak eman dizkie jaietako eta txosnetako batzordeei, elkarteei eta langileei. Halaber, eskerrak eman dizkie "festez gozatzera errespertuz atera diren" herritarrei.
Hala ere, Udalak herrian "elkarbizitza oztopatu" duten gertakariak deitoratu ditu, eta "azken asteetako norabide berean, arrazakeria oinarri duten hainbat eraso" gertatu direla zehaztu du.
"Jaiak gure gizartearen ispilu izaten direla esan ohi dugu. Zoritxarrez, momentu honetan gizartean ematen ari dirne hainbat ezinegon eta jarrera nabarmen ikusi dira aurtengo sanjoanetan. Horiek kontuanhartu eta elkarbizitza oinarri izango duen hausnarketa prozesu bat abiatzea eskatzen du herrian bizi dugun egoerak", adierazi dute.
Duela hilabete batzuetatik hona egoera horien inguruan "ikuspegi ezberdinetatik" lanean ari direla adierazi ondoren, Hernaniko Udalak aurreratu du "herrian zabaltzen ari den kezkari erantzunez, lankerta hori indartu eta gaia lantzeko espazio ezberdinak sustatuko" dituela.
Horretarako, elkarbizitzaren gaian aditua den kanpoko laguntza kontratatuko da, eta, besteak beste, diziplina anitzeko mahai bat eratuko da, "gaiari ikuspegi desberdinetatik erantzuteko asmoz".
Ildo horretan, "arazoak definitu eta horien soluziorako erantzun zehatzak diseinatuko dira", zehaztu dute. "Hori guztia, herriko kohesioa indartzeko eta komunitatea sendotzeko helburuarekin", amaitu dute.
Gizarteari buruzko albiste gehiago
Beloradoko moja ohiek Mario Iceta artzapezpikuaren aurka jarritako salaketa artxibatu dute
Erabaki horrek bat egiten du Beloradoko monasterioko moja ohien utzarazpena aldi baterako geldiaraztearekin. Erlijiosoek errekurtsoa jarri duten arren, Artzapezpikutzak eskatu du utzaraztea behin-behinean exekutatzeko, eta gogorarazi du lau kasutan bertan behera geratu dela neurria.
Adituen txosten baten arabera, "gaintentsioaren kateatutako erorikoak" izan ziren itzalaldiaren arrazoia
Elektrizitatea Garraiatzeko Sareen Kudeatzaileen Europako Sareak (Entso-E) apirilaren 28ko gertakariak zerrendatzen dituen txosten bat aurkeztu du. Egun hartan gertatutakoa "erabat berria dela Europan" zehaztu du eta ez du uste energia berriztagarrien ekoizpenak sortu zuenik.
Getariako atun gorriaren haztegian gizendutako lehen aleak portura eraman dituzte
Gezi moduko lantza bat erabili dute atun horien estresa txikitu eta haragia ahalik eta gozoena izan dadin. Atun gorriak portura eraman dituzte, eta bertan pisatu, neurtu eta aztertu dituzte. Orain, proiektua fase berri batean sartuko da.
Dagoeneko 12 familiak jarri dute salaketa Bernedoko kanpalekua dela eta
Sexu-askatasunaren aurkako aurreko lau salaketei beste zortzi gehitu zaizkie orain, EITBk jakin ahal izan duenez. Halaber, ikerketa judiziala hasteko aurretiazko eginbideak ireki dituzte berriki.
70 talde feministak baino gehiagok eta LGTBIQ+ taldeak Bernedoko udalekuen aurkako "lintxamendu kanpaina" salatu dute
"Ultraeskuinak" eta "puritanismoak" sexu- eta genero-disidentzia adingabeei egindako erasoekin lotu nahi izatea kritikatu dute.
Auto-ilara luzeak sortu dira A-8 autobidean, Malmasinen, Donostiarako noranzkoan
Hiru ibilgailuren arteko istripua izan da tunelaren barruan, eta errei bat itxi dute.
Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"
Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.
Milaka herritar atera dira kalera Palestinaren alde
Gazarako Mugimendu Globala Euskal Herriak deituta, Iruñean 18:30ean abiatu da manifestazio nagusia Merindadeen plazatik, eta Donostian, Gasteizen eta Bilbon, 19:00etan. Halaber, unibertsitateko ikasleek manifestazioak egin dituzte 12:00etan euskal hiriburuetan.
ES-Alert ohartarazpen sistema probatu du SOS Deiak zerbitzuak Balmasedan
Balmasedan zeuden mugikorrek ohartarazpen mezu bat jaso dute. Sistema honekin jakinaraziko zaio gizarteari hondamendiren baten arriskua. Balmasedan egindako probarekin eraginkortasun-maila ezagutu nahi izan da, behar izanez gero hobetu ahal izateko. Soinua entzun ondoren, euskaraz, gaztelaniaz eta ingelesez idatzitako mezu bat jaso dute gailuetan, probaren berri emanez.
Berriro gelditu dira Gatika eta Capbreton arteko interkonexio elektrikoko itsaspeko kablearen obrak, Butroe ibaian isuria izan da eta
URA agentziak zehapen-espedientea ireki du Red Electricaren aurka, eta Gatika inguruan egiten ari ziren zulaketa-lanetako bat geldiaraztera behartu du, Butroe ibaiko erreka batean isurketa izan delako. Toxikotzat hartzen ez den substantzia bat isuri da, bentonita, baina ekosistemari kalte egiten dio.