Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Dena prest dago Iruñean 2025eko sanferminei hasiera emateko. Txupina botatzeko ordu gutxi falta direnean, festa giroa nabaria da kaleetan. Beste behin, Nafarroako hiriburua jaigune erraldoia izango da bederatzi egunez.
Eguerdiko hamabietan, Yala Nafarroa Palestinarekin elkarteak txupina botako du udaletxeko balkoitik. Aurtengoak mezu berezia izango du: Palestinaren alde bakea, elkartasuna eta justizia batzen dituen mezua. Jaiaren hasiera bertatik bertara jarraitu ezin dutenek orain.eus atarian eta ETB1en ikusi ahal izango dute, zuzenean.
Kalean festa lehertuko da orduan. Uztailaren 6tik 14ra, adin eta gustu guztiak asetzeko 517 ekitaldi ofizial izango dira Iruñean, inklusioaren eta aniztasunaren aldekoak guztiak. Aurten, gainera, auzoetako jarduera kulturalak eta ludikoak indartu egingo dira.
Denetik izango da: kontzertuak, gazteentzako eta familientzako guneak, kaleko animazioa, su artifizialak, musika eta espazio alternatiboak, Taconera parkeko musika elektronikoaren eremu berria esaterako. Egitarauak, gainera, espazio inklusiboak eta pertsona guztientzako irisgarriak izango ditu.
Eguraldia ez da aitzakia izango Iruñera joateko. Ez du euririk egingo, eta 20 ºC inguruko tenperatura izango da.
EITBren programazioa berezia
Sanferminetako emozio eta giroa erakusteko ahalegin berezia egingo du EITBk aurten. Txupinazoarekin hasiko da EITBren programazio berezia. Entzierroak eta aurreko kantuak zuzenean eskainiko dira egunero "Entzierroak 2025" saioan, 07:40tik aurrera, eta EITBko irratietan ere jarraitu ahal izango dira txupinazoa eta entzierroak.
Gizarteari buruzko albiste gehiago
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.