Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Azken egunotan Torre Pacheco eskuin-muturreko indarkeria arrazistaren eszenatoki bihurtu da. Astearte honetan, udalerri murtziarrean magrebtarren aurkako "ehizaldia" dei egiteagatik "Deport Them Now talde neonaziko buruzagia atxilotu" ondotik, guztion ahotan dabil mugimendu ultra horren izena, baina… Nortzuk dira?
Polizia iturrien arabera, gorroto hitzaldiak bultzatzen dituen erakunde bat da, eta migratzaileen aurkako "ehizaldi" deiak egiten dituzte. Antza, talde ultra horrek diseinatu zuen Torre Pachecon "magrebtarraren ehiza" bultzatzen zuen kartela.
Sare sozialetan eta Telegram plataforma bidez jartzen dira harremanetan eta magrebtarren aurkako topaketak antolatzen dituzte. Besteak beste, "hemen NN edo Falangea behar da" edo "merezi duzuena emango dizuegu" bezalako mezuak zabaldu dituzte azken egunotan sarean.
Mugimendu honen jatorria oraintsukoa da. Segurtasun-indarrek urte honen hasieran izan zuten taldearen berri, bainba ofizialki maiatzean eman ziren ezagutzera Gallarate hiri italiarrean, Europa osoko ekintzaile neonazien eta alderdi ultraeskuindarren konbentzio batean. Nolanahi ere, Espainiako agintarientzat ezezaguna izan da Torre Pachecoko istiluetara arte.
Orain, Guardia Zibilak bere ustezko burua atxilotu du, Cristian L. F. Ikerketaren arabera, zuzendaritza lanak egingo lituzke mugimendu horretan, eta gorrotoa bultzatzeko delitu batean parte hartzeagatik ikertzen ari dira.
Dagoeneko 14 dira Torre Pachecoko liskarrek eraginda atxilotutako pertsonak.
Espainiako Gobernuak esku hartu du
Sare sozialetan dozenaka kanpaina eta mezu zabaldu ondotik, Espainiako Gobernuak esku hartzea erabaki du eta, adierazi duenez, edukien plataforma horien enpresa arduradunekin bilduko da ondorengo egunetan, “premiaz”; izan ere, sareetan gorroto-kanpainak lehenbailehen eteteko modurik onena zein den aztertu nahi dute eurekin.
Gizarteari buruzko albiste gehiago
Emakume bat hil eta hiru pertsona zauritu dira Lemoan izandako auto-istripu batean
Ezbeharra 01:40 aldera gertatu da, Ertzaintza ikertzen ari den arrazoiengatik.
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.